BREAKING: சிறுவனுக்குப் பாலியல் தொல்லை: வடபழனி தலைமைக் காவலர் பணி நீக்கம்..!!

சென்னை கோடம்பாக்கம் பகுதியில் 16 வயது சிறுவனுக்கு மது கொடுத்து பாலியல் தொல்லை அளித்த புகாரில், வடபழனியைச் சேர்ந்த தலைமைக் காவலர் வேலப்பன் என்பவர் கைது செய்யப்பட்டுள்ளார். இத்தகைய கொடூரமான குற்றச்சாட்டில் கைதான தலைமைக் காவலர் வேலப்பனைப் பணியில் இருந்து உடனடியாக நீக்கம் செய்து சென்னை காவல் ஆணையர் அமல்ராஜ் அதிரடி உத்தரவு பிறப்பித்துள்ளார். காவல்துறையில் இருந்துகொண்டே சிறுவனுக்கு எதிராக இழைக்கப்பட்ட இந்த அத்துமீறல் சம்பவம் சென்னை மக்கள் மத்தியில் பெரும் அதிர்ச்சியை ஏற்படுத்தியுள்ளது.

இந்தக் குற்றச்சாட்டு தொடர்பாக அசோக் நகர் காவல் நிலைய போலீசார் (R3 Ashok Nagar Police Station) போக்சோ (POCSO) சட்டப் பிரிவுகளின் கீழ் வழக்குப் பதிவு செய்து, தீவிர விசாரணை நடத்தி அவரைக் கைது செய்துள்ளனர். சட்டத்தை நிலைநாட்ட வேண்டிய காவல் துறையைச் சேர்ந்த ஒருவரே இதுபோன்ற பாலியல் வன்கொடுமை வழக்கில் சிக்கி, பணி நீக்கம் செய்யப்பட்டுள்ளது காவல்துறை வட்டாரத்திலும் பெரும் பரபரப்பை ஏற்படுத்தியுள்ளது. இச்சம்பவம் தொடர்பாகப் போலீசார் அடுத்தகட்ட சட்ட நடவடிக்கைகளை மேற்கொண்டு வருகின்றனர்.