லீமா ரோஸ் செய்த அந்த ‘ஒரு’ தவறு… கொந்தளித்த எடப்பாடி கோட்டை… லீமா ரோஸை அலறவிட்ட மகளிர் அணி… அதிமுக வில் ஏற்பட்ட சலசலப்பு…!

அதிமுக மகளிரணி ஆலோசனைக் கூட்டத்தில் பங்கேற்றுப் பேசிய கட்சியின் பொதுச்செயலாளர் எடப்பாடி பழனிசாமி, நிர்வாகிகளுக்கு உத்வேகம் அளிக்கும் வகையில் எழுச்சியுரை ஆற்றினார். கட்சியிலிருந்து விலகிச் செல்பவர்களைப் பற்றிக் கவலைப்படாமல், மகளிர் அணியினர் தொடர்ந்து தங்களது கட்சிப் பணிகளை முழு உத்வேகத்துடன் முன்னெடுக்க வேண்டும் என்று அவர் கேட்டுக்கொண்டார். அதிமுகவில் பெண்களுக்கான அங்கீகாரமும் வாய்ப்புகளும் எப்போதும் அதிகமாகவே இருக்கும் எனக் குறிப்பிட்ட அவர், வரவிருக்கும் உள்ளாட்சித் தேர்தல்களில் பெண்களுக்கு அதிக முக்கியத்துவம் வழங்கிப் போட்டியிட முன்னுரிமை அளிக்கப்படும் என்பதைத் தனது ஊக்கமளிக்கும் பேச்சின் மூலம் உறுதிப்படுத்தினார்.

இந்தச் சூழலில், சட்டமன்ற உறுப்பினர் லீமா ரோஸ் மேடையில் பேச முற்பட்டபோது மகளிரணியினரின் கடும் எதிர்ப்பால் அங்கே பெரும் கூச்சல் குழப்பம் ஏற்பட்டது. அவர் தனது உரையில், மறைந்த முதலமைச்சர் ஜெயலலிதாவை “அம்மா” எனக் குறிப்பிடாமல் “ஜெயலலிதா அம்மையார்” என்று வாய்விட்டுக் கூறியது, அங்கிருந்த ரத்தத்தின் ரத்தமான மகளிரணி நிர்வாகிகளிடையே கடும் கொந்தளிப்பை ஏற்படுத்தியது. நிலைமை தீவிரமடைந்ததை உணர்ந்த முன்னாள் அமைச்சர் கே.பி.முனுசாமி உடனடியாக எழுந்து, “ரத்தத்தில் ஊறியவர்களுக்குத்தான் புரட்சித்தலைவி அம்மாவை அம்மா என்று அழைக்கத் தோன்றும், புதிதாக வந்தவர் வாய்தவறி சொல்லிவிட்டார்” எனக் கூறி மகளிரணியினரைச் சமாதானப்படுத்தினார். இருப்பினும், ஏற்கனவே சட்டமன்றத்தில் தவெக அரசுக்கு ஆதரவாக லீமா ரோஸ் வாக்களித்ததை சகித்துக் கொள்ள முடியாத மகளிரணியினர், அவர் மீது எவ்வித ஒழுங்கு நடவடிக்கையும் எடுக்காமல் தொடர்ந்து மகளிரணி துணைத் தலைவராக நீடிக்க அனுமதிப்பதைக் கண்டு தங்களது பலத்த குமுறலை வெளிப்படுத்தி வருகின்றனர்.