தினேஷ் – ரசித்தா விவாகரத்துக்கு இது தான் காரணமா இணையத்தில் வெளிவந்த தகவல்..

விஜய் தொலைக்காட்சியில் ஒளிபரப்பான ‘சரவணன் மீனாட்சி’ தொடரின் மூலம் மிகப் பிரபலமானவர் சீரியல் நடிகை ரக்ஷிதா. இதை தொடர்ந்து இவர், ‘நாம் இருவர் நமக்கு இருவர்’ என பல சீரியல்களில் நடித்துள்ளார். இவர் தன்னுடன் இணைந்து நடித்த சக சீரியல் நடிகரான தினேஷை காதலித்து திருமணம் செய்து கொண்டார். இருவருக்கும் இடையே ஏற்பட்ட மன வேறுபாடு காரணமாக, இரண்டு ஆண்டுகளுக்கும் மேலாக  பிரிந்து வாழ்ந்து வருகின்றனர்.

இவர் மன அமைதிக்காக வேண்டி, விஜய் தொலைக்காட்சியில் ஒளிபரப்பான பிக் பாஸ் 6 சீசன் நிகழ்ச்சியில் கலந்து கொண்டார். பிக் பாஸ் நிகழ்ச்சியில் கலந்து கொண்ட இவர், தற்பொழுது ரசிகர்கள் மத்தியில் மேலும் பிரபலமாகி உள்ளார். பிக் பாஸ் நிகழ்ச்சியை விட்டு வெளியே வந்த ரக்ஷிதா  தனது கணவர் தினேஷ் தனக்கு  ஆபாசம் மெசேஜ் அனுப்பி தன்னை மிரட்டுவதாக போலீசில் புகார் கொடுத்திருந்தார்.

இதையடுத்து இதுகுறித்து போலீசார் தினேஷை அழைத்து விசாரணையும் மேற்கொண்டனர். ஆனால் போலீஸ் விசாரணையில், ‘தினேஷிடம் இருந்து எந்தவித ஆபாச மெசேஜும் வரவில்லை என்பதும்,  ரச்சிதாவை  பொய்யான புகார் அளித்திருந்ததும் நிரூபனமானது. இதைத்தொடர்ந்து போலீசார்  ரச்சிதாவை எச்சரித்து  அனுப்பினர். இப்படி இருவருக்குள்ளும் தற்பொழுது வரை பிரச்சனை தொடர்ந்து நடைபெற்று வருகிறது. இந்நிலையில் தினேஷ் பிக் பாஸ் சீசன் 7 நிகழ்ச்சியில் தற்பொழுது கலந்து கொண்டு விளையாடி வருகிறார்.

இந்நிலையில் நடிகர் தினேஷ் , நடிகை ரக்ஷிதாவின் பிரிவிற்கு உண்மையான காரணம் குறித்த தகவல் தற்போது இணையத்தில் வெளியாகி வைரலாகி வருகிறது. அதாவது நடிப்பதற்கு சான்ஸ் கிடைக்காத சந்தர்ப்பத்தில் தினேஷ் ‘நாச்சியார்புரம்’ என்ற சீரியலை தயாரித்துள்ளார். இதற்காக அவர் பெரிய தொகையை கடனாகவும் வாங்கியுள்ளா.ர் துரதிஷ்டவசமாக நாச்சியார்புரம் சீரியல் பாதியிலேயே நிறுத்தப்பட்டது. இதனால் கடனில் சிக்கி தவித்த தினேஷ் மீது வழக்குகள் பாய்ந்தது. அதில்  ரக்ஷிதாவின் பெயரையும் இணைத்துவிட்டனர். இதனால் இருவருக்கும் இடையே சண்டை ஏற்பட்டது. இந்த கோபத்தில் தான் ரக்ஷிதா, தினேஷ் உடன் சண்டை போட்டு பிரிந்ததாக பரவலாக கூறப்பட்டு வருகிறது.