விஜய் தொலைக்காட்சியின் ‘அது இது எது’, ‘கலக்கப்போவது யாரு’, ‘சிரிச்சா போச்சு’ போன்ற புகழ்பெற்ற நிகழ்ச்சிகளில் லேடிஸ் கெட்டப்பில் நடித்து, தனக்கென ஒரு தனி ரசிகர் பட்டாளத்தையே உருவாக்கியவர் நாஞ்சில் விஜயன். மேடை கலைஞராகத் தனது பயணத்தைத் தொடங்கி, விடாமுயற்சியால் பிரபலமான காமெடியனாக உயர்ந்த இவரைப் பற்றி, பிரபல டிக்டாக் பிரபலம் சூர்யா தேவி சென்னை காவல் ஆணையர் அலுவலகத்தில் அதிரடிப் புகார் ஒன்றை அளித்துள்ளார். நாஞ்சில் விஜயன் தனக்கு நீண்டகால நண்பர் என்று குறிப்பிட்டுள்ள சூர்யா தேவி, கடந்த 2019 நவம்பரில் தனது தங்கையின் திருமணச் செலவிற்காக ₹2.10 லட்சத்தை மூன்று மாதத் தவணையில் தருவதாகக் கூறி விருகம்பாக்கத்தில் உள்ள தன் வீட்டில் வைத்து நாஞ்சில் விஜயன் வாங்கியதாகத் தெரிவித்துள்ளார்.
ஆனால், மூன்று மாதங்கள் கடந்தும், கொரோனா காலகட்டத்திற்குப் பிறகும் பலமுறை கேட்டுக்கொண்ட போதிலும் நாஞ்சில் விஜயன் அந்தப் பணத்தைத் திருப்பித் தராமல் பல்வேறு காரணங்களைக் கூறி காலதாமதப்படுத்தி வந்ததாக சூர்யா தேவி குற்றம் சாட்டியுள்ளார். கடந்த 2025 ஆகஸ்ட் மாதம் மீண்டும் பணத்தைக் கேட்டபோது, 2026 மே 22-ம் தேதி மதுரையில் உள்ள ஒரு தனியார் திருமண மண்டபத்தில் நடக்கும் எக்ஸ்போவிற்கு வருமாறு நாஞ்சில் விஜயன் அழைத்துள்ளார். அதன்பொருட்டு அங்கு நேரில் சென்ற சூர்யா தேவியை, பணத்தைத் தராமல் அவமதிக்கும் வகையில் பேசியதுடன், அங்கிருந்த சிலரைக் கொண்டு மிரட்டித் தாக்கியதாகவும், அந்தச் சம்பவத்தை அவர்கள் வீடியோவாகப் பதிவு செய்துகொண்டதாகவும் சூர்யா தேவி தனது புகாரில் விவரித்துள்ளார்.
மேலும், விஜே வைஷு என்பவர் நாஞ்சில் விஜயன் தன்னை காதலித்து ஏமாற்றிவிட்டதாகப் புகார் அளித்திருந்த சமயத்தில், அவரை ‘ஆப் செய்ய’ தன்னிடம் ஐடியா கேட்டு நாஞ்சில் விஜயன் அழைத்ததாகவும் சூர்யா தேவி செய்தியாளர்களிடம் தெரிவித்துள்ளார். நாஞ்சில் விஜயனுடன் தான் பேசிய வாட்ஸ் அப் சேட் ஆதாரங்களை சூர்யா தேவி காவல்துறையிடம் சமர்ப்பித்துள்ள நிலையில், காவல் ஆணையர் அலுவலகத்தில் பெறப்பட்ட இந்தப் புகார் குறித்து காவல் துறையினர் தீவிர விசாரணை நடத்தத் திட்டமிட்டுள்ளனர். சின்னத்திரை வட்டாரத்தில் பெரும் பரபரப்பை ஏற்படுத்தியுள்ள இச்சம்பவம், நாஞ்சில் விஜயன் ரசிகர்களிடையே அதிர்ச்சியை ஏற்படுத்தியுள்ளது.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…