“ஐயா என் புள்ளைய உள்ளே விடுங்க” சில நிமிடத் தாமதம்… மகளின் நீட் கனவுக்காக காவலர்களின் காலில் விழுந்து கதறிய தாய்…!!

தெலங்கானா மாநிலம் ஜக்டியாலில் நீட் தேர்விற்குச் சற்று தாமதமாக வந்த தனது மகளைத் தேர்வு எழுத அனுமதிக்கக் கோரி, பெற்ற தாய் ஒருவர் அங்கிருந்த பாதுகாப்புப் காவலர்களின் காலில் விழுந்து கெஞ்சிய உருக்கமான சம்பவம் அரங்கேறியுள்ளது. தன் மகளின் மருத்துவராகும் கனவை எப்படியாவது நிறைவேற்றிவிட வேண்டும் என்ற தவிப்பில், அந்தத் தாய் கண்ணீர் மல்க அதிகாரிகளிடம் அழுது போராடியது அங்கிருந்தோரை நெகிழச் செய்துள்ளது.

தேர்வு மையத்தின் விதிகள் மிகக் கடுமையாகப் பின்பற்றப்பட்டதால், சில நிமிடத் தாமதத்தைக் கூட அதிகாரிகள் ஏற்க மறுத்துவிட்டதாகத் தெரிகிறது. தன் வாழ்நாளின் லட்சியத்திற்காக நீண்ட நாட்களாக உழைத்த மகளின் எதிர்காலம் வீணாகிவிடக் கூடாது என்ற ஒரே நோக்கத்திற்காக, பொதுவெளியில் தனது சுயமரியாதையைக் கூடப் பொருட்படுத்தாமல் ஒரு தாய் காவலாளிகளின் கால்களில் விழுந்து கெஞ்சிய இந்தக் காட்சி, தற்போதைய தேர்வு முறைகளின் நெகிழ்வற்ற தன்மையையும் ஒரு தாயின் எல்லையற்ற பாசத்தையும் வெளிப்படுத்துவதாக அமைந்துள்ளது.