“41 உயிர்கள்… 9 மாதக் காத்திருப்பு”… கரூரில் இன்று அரங்கேறிய நெகிழ்ச்சி சம்பவம்… மாஸ் காட்டிய CM விஜய்… நீதிமன்றம் அதிரடி உத்தரவு..!

கடந்த ஆண்டு செப்டம்பர் 27 அன்று கரூரில் நடைபெற்ற தவெக பரப்புரை கூட்ட நெரிசலில் சிக்கி 41 பேர் உயிரிழந்த துயர சம்பவம் நடந்து ஒன்பது மாதங்கள் கடந்துள்ள நிலையில், தமிழக முதலமைச்சர் விஜய் இன்று (ஜூலை 10) கரூர் சென்றுள்ளார். சென்னையில் இருந்து தனி விமானம் மூலம் திருச்சி சென்றடைந்த அவர், அங்கிருந்து சாலை மார்க்கமாக கரூர் சென்றார். வழியெங்கும் தவெக தொண்டர்களும் பொதுமக்களும் அவருக்கு உற்சாக வரவேற்பு அளித்தனர். இந்த கரூர்ப் பயணத்தின் போது, புதிய தொழிற்துறைத் திட்டங்களுக்கு அடிக்கல் நாட்டிய முதல்வர் விஜய், கூட்ட நெரிசலில் உயிரிழந்தவர்களின் குடும்பங்களைச் சேர்ந்த 32 உறுப்பினர்களுக்கு கருணை அடிப்படையில் அரசுப் பணி நியமன ஆணைகளையும் நேரில் வழங்கினார்.

பாதிக்கப்பட்ட குடும்பங்களுக்கு அரசுப் பணி வழங்கும் இந்த நிகழ்வுக்கு சென்னை உயர் நீதிமன்றத்தின் மதுரை கிளை அனுமதி அளித்துள்ளது. எனினும், இந்த நியமனங்கள் அனைத்தும் தற்காலிகமானவை என்றும், நீதிமன்றத்தின் இறுதி ஆய்வுக்கு உட்பட்டவை என்றும் நீதிபதிகள் குறிப்பிட்டுள்ளனர். மேலும், பொதுவான வேலைவாய்ப்பு விதிகளின்படி இதுபோன்ற நியமனங்களுக்கான வழிகாட்டுதல்கள் இந்த வழக்கில் முறையாகப் பின்பற்றப்பட்டதா என்பது குறித்து விளக்கமான அறிக்கை தாக்கல் செய்ய தமிழக அரசுக்கு உத்தரவிடப்பட்டுள்ளது. டிஎன்பிஎஸ்சி (TNPSC) அமைப்பையும் இந்த வழக்கில் நீதிமன்றமே தாமாக முன்வந்து இணைத்துள்ள நிலையில், வழக்கின் அடுத்தகட்ட விசாரணை வரும் ஜூலை 21ஆம் தேதிக்கு ஒத்திவைக்கப்பட்டுள்ளது.