டேய்… மச்சான் கெத்தா வீடியோ எடுடா… மதுபோதையில் நடுரோட்டில் மரண சாகசம்… பீர்பாட்டிலுடன் பறந்த கார்… அலறவிட்ட இளைஞர்கள் சிக்கியது எப்படி?… புனேவில் பரபரப்பு…!

புனே நகரில் மதுபோதையில் காரில் அதிவேகமாகச் சென்ற இளைஞர்கள் குழு ஒன்று, ஆபத்தான சாகசங்களில் ஈடுபட்டு வீதிகளில் ரகளையில் ஈடுபட்டுள்ளது. காரின் நான்கு ஜன்னல்களையும் திறந்து வைத்துக்கொண்டு பீர்பாட்டில்களுடன் சென்ற அவர்கள், இடுப்புக்கு மேல் வெளியே எட்டிப் பார்த்தபடி ஆபத்தான முறையில் பயணித்துள்ளனர். இது அவர்களது உயிருக்கு மட்டுமின்றி, சாலையில் சென்ற பிற பயணிகளுக்கும் பெரும் அச்சுறுத்தலை ஏற்படுத்தியது.

அந்த இளைஞர்கள் லா காலேஜ் பகுதியில் இருந்து சேனாபதி பாபட் சாலை வழியாக நல் ஸ்டாப் மற்றும் டெக்கான் பகுதியை நோக்கி காரில் சென்று வழிநெடுகிலும் கூச்சலிட்டு ரகளையில் ஈடுபட்டுள்ளனர். இந்த ஆபத்தான சாகசங்கள் குறித்த வீடியோ சமூக வலைதளங்களில் பரவி வைரலானதைத் தொடர்ந்து, காவல்துறை உடனடியாக நடவடிக்கையில் இறங்கியது.

https://twitter.com/HateDetectors/status/2087451373483028584/video/1

வீடியோவின் அடிப்படையில் உடனடியாகச் செயல்பட்ட டெக்கான் காவல்துறையினர், சம்பந்தப்பட்ட வாகனத்தைக் தடமறிந்து அதிலிருந்த நான்கு இளைஞர்களைக் கைது செய்தனர். அவர்கள் மீது வழக்குப் பதிவு செய்யப்பட்டுள்ள நிலையில், இச்சம்பவம் குறித்து காவல்துறையினர் மேலும் தீவிர விசாரணை நடத்தி வருகின்றனர்.