அதிமுகவைச் சேர்ந்த முக்கிய நிர்வாகிகளும் மக்கள் பிரதிநிதிகளும் தமிழக வெற்றிக் கழகம் கட்சியில் தொடர்ந்து இணைந்து வரும் நிலையில், இந்த விவகாரத்தில் அதிமுக பொதுச்செயலாளர் எடப்பாடி பழனிசாமி மௌனம் காப்பது ஏன் என்று விடுதலைச் சிறுத்தைகள் கட்சியின் தலைவர் தொல். திருமாவளவன் காரசாரமாகக் கேள்வி எழுப்பியுள்ளார். முன்னாள் அமைச்சர் சி.விஜயபாஸ்கர் உள்ளிட்ட 6 அதிமுக எம்.எல்.ஏக்கள் தங்களது பதவிகளை ராஜினாமா செய்துவிட்டு தவெக-வில் இணைந்துள்ள சூழலில், இது திட்டமிட்ட ‘குதிரை பேரம்’ என்று திமுக மற்றும் அதன் கூட்டணிக் கட்சிகள் மிகக் கடுமையாக விமர்சித்து வருகின்றன. இந்த இக்கட்டான அரசியல் சூழலில், அதிமுக தலைமை ஆவேசமாகப் போர்க்கொடி தூக்காமல் அமைதியாக இருப்பதன் பின்னணி என்ன என்ற சந்தேகம் எழுவதாக திருமாவளவன் சுட்டிக்காட்டியுள்ளார்.
தங்கள் கட்சி திட்டமிட்டுச் சிதைக்கப்படுவதை அதிமுக தலைமை மக்கள் மத்தியில் கொண்டு சேர்க்கத் தவறிவிட்டதாகக் குறிப்பிட்ட திருமாவளவன், அவர்கள் வெறும் ஆளுநரிடம் புகார் மனு அளிப்பதை மட்டுமே தங்களது கடமையாகச் செய்து வருவதாக விமர்சித்தார். “எங்கள் கட்சியை அப்புறப்படுத்தப் பார்க்கிறார்கள்” என்று பொதுமக்களிடம் முறையிட அதிமுக ஏன் தயங்குகிறது என்றும் அவர் வினவியுள்ளார். மேலும், மாற்றுக்கட்சியினரைத் தங்கள் பக்கம் இழுப்பதாகக் கூறப்படும் புகார்கள் குறித்து செய்தியாளர்கள் தவெக தலைமையிடமே நேரடியாகக் கேள்வி எழுப்ப வேண்டும் என்றும், இதில் குதிரை பேரம் நடந்திருப்பது உண்மையாக இருக்கும் பட்சத்தில் ஆளுநர் உடனடியாகத் தலையிட்டுத் தகுந்த விசாரணை நடத்த வேண்டும் என்றும் அவர் வலியுறுத்தினார்.
அதிமுகவிலிருந்து சி.விஜயபாஸ்கர், எம்.ஆர்.விஜயபாஸ்கர், இசக்கி சுப்பையா, மரகதம் குமரவேல், ஜெயக்குமார், சத்யபாமா ஆகிய 6 சட்டமன்ற உறுப்பினர்கள் தவெக-வில் இணைந்திருப்பது தமிழக அரசியலில் பெரும் பரப்பரப்பை ஏற்படுத்தியுள்ளது. ஊழல் வழக்குகளில் சிக்கியுள்ள முன்னாள் அமைச்சர் சி.விஜயபாஸ்கர் அதிமுகவில் இருந்து விலகியது குறித்த கேள்விக்கு, அவர் எதற்காக விலகினார் என்பதை அவரிடமே நேரடியாகக் கேட்பதுதான் பொருத்தமாக இருக்கும் என்று திருமாவளவன் பதிலளித்தார். தவெக-வின் இந்த அதிரடி நடவடிக்கைகளுக்கு எதிராக அதிமுக தலைமை தொடர்ந்து மௌனம் சாதித்து வருவது அரசியல் வட்டாரத்தில் பல்வேறு விவாதங்களையும் யூகங்களையும் கிளப்பியுள்ளது.
துருக்கியின் நெவ்செஹிர் பகுதியில் உள்ள ஒரு பணியிடத்தின் முன்பாக நின்று கொண்டிருந்த பெண்ணை, நபர் ஒருவர் திடீரென முகத்தில் அறைந்து…
ஜார்க்கண்ட் மாநிலத்தின் சரைகேலா-கர்சாவான் மாவட்டத்தில், குடும்பத் தகராறு குறித்து புகார் அளிக்க காவல் நிலையம் சென்ற பெண் ஒருவரை, காவலர்…
அவளது வீட்டின் வாயிலில் வண்டி நின்றபோதும் அவனது குரலில் விடாப்பிடியான பிடிவாதம் குறையவில்லை. பணி முடிந்து களைத்திருந்த அந்த இரவில்,…
சூரத்தின் அத்வா மற்றும் அத்வாலைன்ஸ் எல்லைப் பகுதிக்குட்பட்ட நான்புரா மட்டன் மார்க்கெட் அருகே, இரு தரப்பினரிடையே ஏற்பட்ட மோதலில் முகமது…
புளோரிடாவில் நடந்த கோரமான லியர்ஜெட் விமான விபத்தில், அதில் பயணித்த ஒன்பது பேரும் பரிதாபமாக உயிரிழந்தனர். இந்த விபத்து நடப்பதற்கு…
ஹைதராபாத் கச்சிபௌலி காவல் நிலையத்தில் பணியாற்றி வரும் காவலர் ஒருவருக்கு, முகநூலில் 'சுகன்யா ரெட்டி' என்ற பெயரில் அறிமுகமான மர்ம…