“47 வயது நபருடன் தொடர்ந்து 6 முறை உடலுறவு”… 6 கணவர்கள், 10 சவரன் அபேஸ்… தொழிலதிபரை ‘பெட்’ வேட்டையாடிய 22 வயது கில்லாடி பெண்….!

சென்னையில் தொழிலதிபர் ஒருவரை ‘ஹனி டிராப்’ முறையில் ஏமாற்றி, அவரிடமிருந்து 10 சவரன் தங்கச் சங்கிலியைத் திருடிச் சென்ற 22 வயது இளம்பெண் மற்றும் அவரது கணவரைப் போலீசார் கைது செய்துள்ளனர். தேனாம்பேட்டை பகுதியைச் சேர்ந்த 47 வயது தொழிலதிபர் மணி என்பவர், தனது காரில் காத்திருந்தபோது குன்றத்தூரைச் சேர்ந்த தீபிகா லட்சுமி (22) என்பவருடன் பழக்கம் ஏற்பட்டுள்ளது. தன்னை அனாதை என்றும், வறுமையில் வாடுவதாகவும் கூறி மணியின் பரிதாபத்தைப் பெற்ற தீபிகா, அவருடன் செல்போன் எண்களைப் பரிமாறிக்கொண்டு நெருக்கமாகப் பழகத் தொடங்கியுள்ளார்.

இந்த நட்பின் தொடர்ச்சியாக, இருவரும் ஈசிஆர் பகுதியில் டேட்டிங் சென்றுவிட்டு, கோடம்பாக்கத்தில் உள்ள ஒரு மதுபான விடுதிக்குச் சென்றுள்ளனர். பின்னர் அங்குள்ள விடுதி ஒன்றில் தங்கியிருந்தபோது, மது போதையில் தொழிலதிபர் மணி அயர்ந்து தூங்கியுள்ளார். அந்தச் சூழலைப் பயன்படுத்திக் கொண்ட தீபிகா, மணியின் கழுத்தில் இருந்த 10 சவரன் தங்கச் சங்கிலியைத் திருடிக்கொண்டு அங்கிருந்து தப்பியோடினார். மறுநாள் காலையில் எழுந்து பார்த்த மணி, நகையும் பெண்ணும் காணாமல் போனதைக் கண்டு அதிர்ச்சியடைந்து தேனாம்பேட்டை காவல் நிலையத்தில் புகார் அளித்தார்.

புகாரைப் பெற்றுக்கொண்ட போலீசார், தீபிகாவின் செல்போன் சிக்னலை வைத்து அவர் குன்றத்தூரில் இருப்பதை உறுதி செய்து, அதிரடியாகக் கைது செய்தனர். விசாரணையில் தீபிகா குறித்த திடுக்கிடும் தகவல்கள் வெளியாகின. தீபிகாவிற்கு ஏற்கனவே 5 திருமணங்கள் நடந்துள்ளதும், ஒவ்வொரு கணவரிடமிருந்தும் நகை மற்றும் பணத்தைப் பறித்துக்கொண்டு விவாகரத்து செய்ததும் தெரியவந்தது. தற்போது 6-வதாக சதீஷ் என்பவருடன் வசித்து வரும் தீபிகாவிற்கு 4 வயதில் ஒரு பெண் குழந்தை உள்ளது. தனது கணவர் சதீஷுடன் இணைந்தே இந்த ‘ஹனி டிராப்’ திட்டங்களைத் தீட்டியதை அவர் ஒப்புக்கொண்டார்.

திருடப்பட்ட 10 சவரன் தங்கச் சங்கிலியை விற்று, தனது 6-வது கணவர் சதீஷிற்கு தீபிகா ‘KTM’ பைக் வாங்கிக் கொடுத்தது போலீஸ் விசாரணையில் அம்பலமானது. இந்தச் சட்டவிரோத செயலுக்குத் துணையாக இருந்த கணவர் சதீஷையும் போலீசார் கைது செய்தனர். இவர்கள் இருவரும் திட்டமிட்டு வசதியான ஆண்களைக் குறிவைத்து இது போன்ற மோசடிகளில் ஈடுபட்டு வந்துள்ளனர். கைதான இருவரிடமும் போலீசார் தொடர்ந்து தீவிர விசாரணை நடத்தி வருகின்றனர்.