நீயெல்லாம் ஒரு மனுஷனா.. அந்த விஷயத்துக்காக பஞ்சாயத்து தலைவரோட சேர்ந்து மனைவிக்கு மொட்டை அடித்த கணவன்.. அதிர்ச்சி சம்பவம்..!!

கர்நாடகா மாநிலம் பாகல்கோட்டை மாவட்டத்தில் கடகோலா கிராமம் உள்ளது. அங்கு வசித்து வருபவர் பசவப்பா, மனைவி ஸ்ரீதேவி (22).  பசப்பாவுக்கு குடிப்பழக்கம் உள்ளது, இதனால் தினமும் குடித்துவிட்டு வந்து வீட்டில் மனைவியுடன் சண்டை போட்டு வந்துள்ளார். சண்டையின் காரணமாக ஸ்ரீதேவி கோபித்துக் கொண்டு பெற்றோரின் வீட்டிற்கு சென்றுள்ளார். கடந்த இரண்டு மாதங்களுக்கு முன்பு ஸ்ரீதேவியின் பெற்றோர் அவரை சமாதானம் செய்து கணவருடன் சேர்ந்து வாழச் சொல்லி உள்ளனர். ஸ்ரீதேவி வீட்டிற்கு வந்து கணவருடன் சேர்ந்து வாழத் தொடங்கியுள்ளார் இருப்பினும் பசவப்பா மீண்டும் மது அருந்தி விட்டு வந்து மனைவியிடம் வாக்குவாதத்தில் ஈடுபட்டுள்ளார். வழக்கம்போல் நேற்று முன்தினம் வீட்டிற்கு மது அருந்திவிட்டு வந்ததால் பசவப்பாவுக்கும் மனைவிக்கும் வாக்குவாதம் ஏற்பட்டுள்ளது.

மனைவி ஸ்ரீதேவி குடிப்பழக்கத்தை விட்டு விடுங்கள் என்ற எவ்வளவோ கூறியும் அவர் கேட்கவில்லை. கோபத்தின் உச்சிக்குச் சென்ற பசவப்பா கிராம பஞ்சாயத்து தலைவர் சதாசிவ நியாமகவுடாவுடன் சேர்ந்து மணி ஸ்ரீதேவியை சரமாக அடித்து காயப்படுத்தி உள்ளனர். அடியை தாங்க முடியாமல் நிலைகுலைந்து மயங்கி விழுந்துள்ளார் ஸ்ரீதேவி. இவ்வளவு நடந்தும் கோபம் குறையாமல் ஸ்ரீதேவியின் முடியை வெட்டி மொட்டை அடித்து மீண்டும் இருவரும் சேர்ந்து ஸ்ரீதேவியை தாக்கியுள்ளனர். அக்கம்பக்கத்தில் உள்ளோர் அவரை மீட்டு மருத்துவமனையில் அனுமதித்தனர். அவருக்கு தீவிர சிகிச்சை அளிக்கப்பட்டு வருகிறது. இச்சம்பவம் குறித்து போலீசார் வழக்குப்பதிவு செய்து விசாரித்து வருகின்றனர்.