“என் முதல் ஹீரோ நீங்கதான் அப்பா…!” – தந்தையர் தினத்தில் ரோபோ சங்கர் மகள் உருகிய உருக்கமான பதிவு…!!

தந்தையர் தினத்தை முன்னிட்டு, மறைந்த பிரபல நகைச்சுவை நடிகர் ரோபோ சங்கரை அவருடைய மகள் இந்திரஜா மிகவும் உணர்ச்சிப்பூர்வமாக நினைவு கூர்ந்துள்ளார். தனது இன்ஸ்டாகிராம் பக்கத்தில் தந்தையுடன் இருக்கும் புகைப்படங்களைப் பகிர்ந்துள்ள அவர், “உங்களை நேரில் சந்தித்து வாழ்த்தவோ, பேசவோ முடியவில்லை. ஆனால் உங்கள் அன்பு, பாசம் மற்றும் நீங்கள் கற்றுக்கொடுத்த விஷயங்கள் எப்போதும் என்னுடன் இருக்கும்” என்று உருக்கமாகப் பதிவிட்டுள்ளார்.

மேலும், தனது வாழ்க்கையின் முதல் ஹீரோவும், தனது பலமும் அப்பாதான் என்று அவர் குறிப்பிட்டுள்ளார். “நீங்கள் இல்லை என்பதை என்னால் ஏற்றுக்கொள்ள முடியவில்லை, ஆனாலும் உங்கள் நினைவுகளுடன் நான் வாழ்கிறேன்” என்றும், வார்த்தைகளால் விவரிக்க முடியாத அளவிற்கு அவரை இழந்து தவிப்பதாகவும் இந்திரஜா தனது பதிவில் பதிவிட்டுள்ளார். விண்ணுலகில் இருக்கும் தனது தந்தைக்கு “Happy Father’s Day to my Appa in heaven” என்று கூறி தனது ஆழ்ந்த அன்பையும், சோகத்தையும் வெளிப்படுத்தியுள்ளார்.