“அட கடவுளே… மரண பயம் காட்டும் அரசு ICU வார்டு… நோயாளிகள் தலைக்கு மேல் கொட்டும் மழைநீர்… மின்கசிவு அபாயத்தில் தவிக்கும் நோயாளிகள்…!”

மத்தியப் பிரதேச மாநிலம் சீஹோர் மாவட்ட அரசு மருத்துவமனையின் தீவிர சிகிச்சைப் பிரிவில் எனப்படும் கூரையிலிருந்து மழைநீர் கசிந்து ஒழுகும் வீடியோ சமூக ஊடகங்களில் வெளியாகி பெரும் அதிர்ச்சியை ஏற்படுத்தியுள்ளது. தீவிர சிகிச்சைத் தேவையில் இருக்கும் நோயாளிகள் படுத்திருக்கும் வார்டில், நேரடியாக மழைநீர் சொட்டுச் சொட்டாகத் தரை மற்றும் படுக்கைகளின் அருகே விழுவது அந்த வீடியோவில் பதிவாகியுள்ளது. இந்த அவல நிலை நோயாளிகளின் ஆரோக்கியத்திற்கும் பாதுகாப்பிற்கும் பெரும் அச்சுறுத்தலாக மாறியுள்ளது.

தீவிர சிகிச்சைப் பிரிவு என்பது எப்போதும் மிகக் கடுமையான சுகாதாரப் பராமரிப்புடனும், தொடர்ந்து இயங்கக்கூடிய பல உயிர் காக்கும் மருத்துவக் கருவிகளுடனும் இருக்க வேண்டிய ஒரு முக்கியமான பகுதியாகும். அங்கு மின்சாரக் கருவிகள் அதிகம் பயன்படுத்தப்படுவதால், இப்படித் தொடர்ச்சியாகத் தண்ணீர் கசிவது கடுமையான மின்கசிவு ஆபத்துகளையோ அல்லது இதர தொழில்நுட்பக் கோளாறுகளையோ ஏற்படுத்தக்கூடும் என்று நோயாளிகளின் உறவினர்களும் உள்ளூர் மக்களும் அச்சம் தெரிவித்துள்ளனர்.

இந்த வைரல் வீடியோ வெளியானதைத் தொடர்ந்து, மருத்துவமனை கட்டடத்தின் தரம் மற்றும் அதன் பராமரிப்புப் பணிகள் குறித்து பொதுமக்கள் மத்தியில் பலத்த கேள்விகள் எழுந்துள்ளன. மாவட்ட நிர்வாகமும் சுகாதாரத் துறையும் இந்த விவகாரத்தில் உடனடியாகத் தலையிட்டு, தீவிர சிகிச்சைப் பிரிவு மற்றும் மருத்துவமனையின் மற்ற வார்டுகளை ஆய்வு செய்து, பழுதடைந்த கூரைகளை விரைவாகப் பழுதுபார்க்க வேண்டும் என்று உள்ளூர் மக்கள் கோரிக்கை விடுத்துள்ளனர்.