வட போச்சே.! மெகா சைஸ் பானிபூரியை சாப்பிட நினைத்து பல்பு வாங்கிய நபர்.. இணையவாசிகளை சிரிக்க வைத்த வீடியோ…!!

இன்ஸ்டாகிராம் பக்கத்தில் வைரலாகி வரும் ஒரு காணொளியில், நபர் ஒருவர் வழக்கமான அளவை விட மிகப் பெரிய ‘மெகா’ கோல்கப்பாவைச் சாப்பிட முயற்சிப்பது பலரையும் கவர்ந்துள்ளது. அந்த கோல்கப்பா ஒரு கிண்ணம் அல்லது சிறிய பந்து அளவில் இருப்பதால், அதைத் தூக்குவதற்கே அவர் தனது இரண்டு கைகளையும் பயன்படுத்த வேண்டியிருந்தது. ‘மாமா ஜி’ என்று அழைக்கப்படும் அவர், மிகுந்த நம்பிக்கையுடனும் உற்சாகத்துடனும் அந்தப் பெரிய பானிபூரியை ஒரே வாயில் அடக்கிவிட வேண்டும் என்ற இலக்கோடு சவாலைத் தொடங்கினார்.

ஆனால், அவர் அந்தப் பிரம்மாண்ட கோல்கப்பாவை வாய்க்கு அருகில் கொண்டு சென்றபோது எதிர்பாராத திருப்பம் ஏற்பட்டது. அழுத்தத்தைத் தாங்க முடியாமல் கோல்கப்பா திடீரென உடைய, அதிலிருந்த தண்ணீர் முழுவதும் அவரது ஸ்வெட்டரில் கொட்டிச் சிதறியது. ஒரு நொடியில் அவரது கனவு கலைந்து போக, நனைந்து போன உடையுடன் அவர் திகைத்து நிற்கும் காட்சி பார்ப்பவர்களைச் சிரிக்க வைக்கிறது.