CINEMA
28 வயதிலே பிரபல இசையமைப்பாளர் மரணம்.. பேரதிர்ச்சியில் மூழ்கிய தமிழ் திரையுலகம்..!!
இளம் இசையமைப்பாளரான பிரவீன் குமார் கடந்த 2021-ஆம் ஆண்டு டி கிட்டு இயக்கத்தில் ரிலீஸ் ஆன மேதகு படத்தில் இசையமைப்பாளராக வேலை பார்த்துள்ளார். விடுதலைப் போராட்ட வீரர் ஆன பிரபாகரனின் வாழ்க்கை மையமாக வைத்து இந்த படம் எடுக்கப்பட்டுள்ளது.
இதில் குட்டிமணி, ஈஸ்வர் பாஷா, ஆனந்தன் விஜய் ஆகியோர் முக்கிய கதாபாத்திரத்தில் நடித்துள்ளனர். இந்த திரைப்படத்தின் மூலம் தான் பிரவீன் குமார் இசையமைப்பாளராக அறிமுகமானார்.
இதனை அடுத்து ராக்கதன் மேதகு, கக்கன், பம்பர், ராயர் பரம்பரை உள்ளிட்ட படங்களுக்கும் பிரவீன் குமார் இசையமைத்துள்ளார். அவருக்கு 28 வயது தான் ஆகிறது. இந்த நிலையில் உடல் நல குறைவால் மருத்துவமனையில் அனுமதிக்கப்பட்ட பிரவீன் குமார் சிகிச்சை பலனின்றி இன்று காலை பரிதாபமாக உயிரிழந்தார்.
அவரது உடல் இன்று மாலை அடக்கம் செய்யப்படவுள்ளது. இளம் வயதிலேயே பிரவீன் குமார் இறந்ததை அறிந்த திரையுலகினரும் பொதுமக்களும் அதிர்ச்சியில் உள்ளனர்.