“அவள் எங்கள விட்டு போயிட்டா…” மருத்துவமனையின் வரவேற்பறைக்கு தீ வைத்த நபர்… அலறியடித்து ஓடிய மக்கள்…. இணையத்தில் வைரலாகும் வீடியோ…!!

தெலங்கானா மாநிலம் பத்ராத்ரி கொத்தகூடெம் மாவட்டத்தில் உள்ள ஒரு தனியார் மருத்துவமனையில் அனுமதிக்கப்பட்டிருந்த 36 வயது பழங்குடியின பெண் சர்பஞ்ச் வெங்கடரமணா என்பவர், சிகிச்சை பலனின்றி உயிரிழந்தார். மருத்துவர்கள் அளவுக்கு அதிகமான மருந்துகளைச் செலுத்தியதே அவரது இறப்பிற்குக் காரணம் என்றும், நிலைமை மோசமடைந்த பின்னரே அவரை வேறொரு மருத்துவமனைக்கு மாற்றியதாகவும் அவரது குடும்பத்தினர் குற்றம் சாட்டினர். மேலும், இறப்பிற்கான சரியான காரணத்தைக் கூறாமல் மருத்துவமனை நிர்வாகம் அலட்சியமாகப் பதிலளித்ததால் ஆத்திரமடைந்த உறவினர்கள் அங்குப் போராட்டத்தில் ஈடுபட்டனர்.

போராட்டத்தின் போது ஆத்திரமடைந்த உறவினர் ஒருவர், மருத்துவமனையின் வரவேற்புப் பகுதிக்குத் தீ வைக்க முயன்றதால் அங்குப் பெரும் பரபரப்பு ஏற்பட்டது. உடனே விரைந்து வந்த காவல் துறையினர், தீயை அணைத்துச் சூழ்நிலையைக் கட்டுக்குள் கொண்டு வந்ததால் பெரிய அசம்பாவிதம் தவிர்க்கப்பட்டது. இச்சம்பவம் தொடர்பாகப் வழக்குப் பதிவு செய்துள்ள போலீசார், மருத்துவ அலட்சியம் மற்றும் தீவைப்பு முயற்சி குறித்துத் தீவிர விசாரணை மேற்கொண்டு வருகின்றனர்.