ஓபிஎஸ்-க்கு காலையிலேயே ஷாக்…. திமுகவில் 250 பேருடன் இணையும் முக்கிய புள்ளி…. செம குஷியில் ஸ்டாலின்…!

அதிமுக உட்கட்சி மோதல் மற்றும் அரசியல் மாற்றங்களுக்கு இடையே, முன்னாள் அமைச்சர் வைத்திலிங்கத்தைத் தொடர்ந்து ஓபிஎஸ் அணியின் முக்கிய நிர்வாகியான குன்னம் ராமச்சந்திரனும் திமுகவில் இணைய உள்ள செய்தி தமிழக அரசியலில் பரபரப்பை ஏற்படுத்தியுள்ளது. அண்மையில் மனோஜ் பாண்டியன், மருது அழகுராஜ் போன்ற முன்னணி நிர்வாகிகள் திமுகவில் இணைந்த நிலையில், தற்போது வைத்திலிங்கம் தனது எம்.எல்.ஏ பதவியை ராஜினாமா செய்துவிட்டு ஆளுங்கட்சியில் இணைந்துள்ளார்.

இதனைத் தொடர்ந்து, பெரம்பலூர் மாவட்ட முன்னாள் செயலாளரும், முன்னாள் சட்டமன்ற உறுப்பினருமான குன்னம் ராமச்சந்திரனும் முதலமைச்சர் மு.க. ஸ்டாலின் முன்னிலையில் விரைவில் திமுகவில் இணையப் போவதாகத் தகவல்கள் வெளியாகியுள்ளன. முதல்வர் ஸ்டாலின் தலைமையில் வைத்திலிங்கம் முன்னிலையில், தானும் திமுகவில் இணையவுள்ளதாக அதிமுக Ex MLA குன்னம் ராமச்சந்திரன் அறிவித்துள்ளார். ஜன.26-ல் தஞ்சையில் நடைபெறும் விழாவில் தன்னுடன் 250 பேர் திமுகவில் சேரவுள்ளதாகவும் அவர் தெரிவித்துள்ளார்.

குன்னம் ராமச்சந்திரன் கடந்த 2016-ம் ஆண்டு அதிமுக சார்பில் சட்டமன்ற உறுப்பினராகத் தேர்ந்தெடுக்கப்பட்டவர். 2021 தேர்தலிலும் போட்டியிட்ட அவர், குறைந்த வாக்குகள் வித்தியாசத்தில் தோல்வியடைந்தார். ஓ. பன்னீர்செல்வத்தின் தீவிர ஆதரவாளராக இருந்து வந்த இவர், தற்போது நிலவும் அரசியல் சூழல் மற்றும் ஓபிஎஸ் தரப்பில் எடுக்கப்படும் முடிவுகளில் உள்ள காலதாமதம் காரணமாக இந்த முடிவை எடுத்துள்ளதாகக் கூறப்படுகிறது. சட்டமன்றத் தேர்தல் நெருங்கி வரும் வேளையில், அடுத்தடுத்து முக்கிய தலைவர்கள் திமுகவை நோக்கிப் படையெடுப்பது அதிமுக வட்டாரத்திலும், குறிப்பாக ஓபிஎஸ் அணியிலும் பெரும் சலசலப்பை ஏற்படுத்தியுள்ளது.