அந்தியூர் தொகுதி வேட்பாளராக பிரபல நடிகையை நிறுத்த முயற்சி, வீட்டுக்கு வருவதாக சொன்ன கமல்ஹாசனை மறுத்த தம்பதி – பிரபல இயக்குனர் ஓபன்டாக்!

சமீபத்தில் ஒரு நேர்காணலில் பங்கேற்ற இயக்குனர் மற்றும் நடிகர் ராஜகுமாரன் கூறியதாவது, மக்கள் நீதி மய்யம் சார்பில் தேவயானியை அந்தியூர் தொகுதியில் தேர்தலில் நிறுத்துவதற்கு அந்த கட்சி முயற்சி செய்தது. ஆனால் எனக்கு அரசியல் தெரியும் என்பதால் அதை காதிலேயே போட்டுக் கொள்ளவில்லை. தேர்தலில் நின்று வெல்வதை விடவும் ஆளுங்கட்சி எம்எல்ஏவாக வெல்ல வேண்டும். அப்போதுதான் தொகுதியில் மக்களுக்கான நல்ல விஷயங்களை வளர்ச்சி பணிகளை செய்ய முடியும். நாங்கள் அதற்கு ஒத்துக்கொள்ளவே இல்லை. அந்த கட்சி சார்பில் எங்களிடம் பேச்சு நடத்த முயற்சி செய்தார்கள்.

ஒரு முறை அந்தியூரில் வைத்து எங்களை கமல்ஹாசன் நேரில் சந்திக்க வருவதாகவும், உங்கள் வீட்டில் தான் கமல் உணவு அருந்தப் போகிறார் என்றும் தகவல் சொன்னார்கள். ஆனால் நாங்களோ, இல்லை சார். சென்னைக்கு கிளம்பிட்டோம். சாவியை கொடுத்துவிட்டு நாங்கள் போகிறோம். கமல் சார் இங்கு வந்தால் ரெஸ்ட் எடுத்துக் கொள்ள சொல்லுங்கள் என்று சொல்லிவிட்டு வந்தோம். அரசியல் நிமித்தமாக அவர் எங்களை சந்திப்பதை நாங்கள் விரும்பவில்லை என்று இயக்குனர் ராஜகுமாரன் அந்த நேர்காணலில் கூறியிருக்கிறார்.