தீராத கடன் தொல்லை… வேதனையில் தூக்குபோட்ட மனைவி…. கவலையே இல்லாமல் வீடியோவாக எடுத்து வெளியிட்ட கணவர்…. இப்படியும் மனுஷங்க இருக்காங்களா..? மனதை உருக்கும் சம்பவம்..!!

பீகார் மாநிலம் பாகல்பூரில் உள்ள கஹல்கானில் வசித்து வந்தவர் சாந்தினி தேவி (31). இவர் சுனில் ராயின் மகன் வித்யானந்த் ராயை 12 ஆண்டுகளுக்கு முன்பு திருமணம் செய்து கொண்டார்.  சமீபத்தில், அவர்கள் ஒரு நுண் நிதி நிறுவனத்திடமிருந்து சுமார் நான்கு லட்சம் ரூபாய் கடன் வாங்கியிருந்தனர். அவரது கணவர் வித்யானந்த் அதை திருப்பிச் செலுத்த முடியவில்லை. கடனைத் திருப்பிச் செலுத்த நிதி அதிகாரிகள் அவருக்கு தொடர்ந்து அழுத்தம் கொடுத்தனர். கடன் மீட்பு முகவர்களிடமிருந்து அவருக்கு தினமும் அழைப்புகள் வந்தன. கடனைத் திருப்பிச் செலுத்துவது குறித்து சாந்தினி தேவி தனது கணவரிடம் கேட்டபோது, ​​அவர் அவளுடன் வாக்குவாதம் செய்தார்.

இதனால் சம்பவத்தன்று சாந்தினி தனது கணவர் மற்றும் மகள் முன்னிலையில் தற்கொலைக்கு முயன்றுள்ளார். அப்போது மகள் தனது தாயைப் பார்த்து அழுதுள்ளது. ஆனாலும் அவரது கணவர் அவளை தூக்குப்போட்டு தற்கொலைக்கு ஊக்குவித்தார். மேலும் அந்த துயரத்தை படம் பிடித்தார். பின்னர் மனைவி தனது கணவரின் கண் முன்னே தூக்குபோட்டு இறந்தார்.  இதனையடுத்து தற்கொலை செய்த நேரடி வீடியோவும் வெளியாகியுள்ளது.  1 நிமிடம் 12 வினாடிகள் கொண்ட இந்த வீடியோவில், அந்தப் பெண், ஒரு பெட்டி மற்றும் வாளியைப் பயன்படுத்தி, மின்விசிறி கொக்கியில் இருந்து துணியால் ஒரு கயிற்றை உருவாக்கினார். பின்னர் அவர் தூக்கில் தொங்கினார். சிறுமி அழுது கொண்டிருந்தபோது, ​​அவரது தந்தை அவளை திட்டி அமைதிப்படுத்தினார். இந்த சம்பவம் பெரும் அதிர்ச்சியை ஏற்படுத்தியுள்ளது.