“மனைவி அதை பண்ணிடுவா” போலீஸ்க்கே சவால்… தன்னைத்தானே பிளேடால் கிழித்துக் கொண்ட கணவர்… நடந்தது என்ன..? பரபரப்பு சம்பவம்..!!

சென்னையை சேர்ந்தவர் கோபாலகிருஷ்ணன் (47), டிரைவர். இவரின் 2 ஆவது மனைவி பாத்திமா (45). இவர் இருவரும் ஒருவர் மீது ஒருவர் குற்றம் சாட்டி, ஜெ.ஜெ.நகர் காவல் நிலையத்தில் புகார் அளித்துள்ளனர்.

பாத்திமா கொடுத்த புகாரில், “எனது 2 ஆவது கணவர் (கோபாலகிருஷ்ணன்) என் மீது சந்தேகப்பட்டு, சித்திரவதை செய்கிறார். கடைக்குச் சென்று விட்டு வீட்டிற்கு வந்த பொழுது, நடுரோட்டில் என்னை சரமாரியாக தாக்கினார்”. எனவே கோபாலகிருஷ்ணன் மீது நடவடிக்கை எடுக்கும் வேண்டும் என்று தெரிவித்திருந்தார். கோபாலகிருஷ்ணன் கொடுத்த புகாரில், “என் மனைவி மீது சந்தேகம் இருக்கிறது” என்று தெரிவித்தார்.

மேலும் போலீசார் விசாரிக்கையில், மது போதையில் இருந்த கோபாலகிருஷ்ணன், திடீரென கீழே விழுந்து உருண்டு, பிரண்டு நெஞ்சு வலிப்பதாக நாடகமாடியுள்ளார். உடனே தம்பதியை, ஒரு ஆட்டோவில் அனுப்பிவைத்தனர். ஆட்டோவில் ஏறிய கோபாலகிருஷ்ணன், போலீசாரை பார்த்து “என் மீது எப்படி நடவடிக்கை எடுக்கிறார்கள் என்று பார்க்கிறேன் ? உங்களை என்ன செய்யப் போகிறேன் என்று பாருங்கள்” என்று திமிராக பேசிவிட்டு வேகமாக ஆட்டோவில் சென்றுள்ளார்.

சிறிது நேரத்தில் நடுரோட்டில் உட்கார்ந்து கொண்டு, போலீசார் தன்னை தாக்கியதாக உடல் முழுவதும் ரத்த காயங்களுடன், கோபாலகிருஷ்ணன் கதறி அழுவது போல் வீடியோ சமூக வலைத்தளத்தில் பரவியது. இதை பார்த்த போலீசார், பாத்திமாவுக்கு போன் செய்து விசாரிக்கையில், “கோபாலகிருஷ்ணனே பிளேடால் தன்னை அறுத்துக் கொண்டு, போலீஸ் மீது பழி போடுகிறார்” என்று தெரிவித்தார். அரசு மருத்துவமனையில் அனுமதிக்கப்பட்ட கோபாலகிருஷ்ணனிடம் போலீசார் விசாரிக்கையில், “தன் மீது மனைவி புகார் கொடுத்தால், தான் கைது செய்யப்படுவோம்” என்ற பயத்தில், தனக்கு தானே பிளேடால் அறுத்துக் கொண்டதாக தெரிவித்தார்.

சிகிச்சைக்கு பின் வீடு திரும்பிய கோபாலகிருஷ்ணன், ஜே.ஜே.நகர் காவல் நிலையத்திற்கு சென்று, “என்னை மன்னித்து விடுங்கள்”. போலீசாரை பழிவாங்கும் நோக்கத்தில் தன்னைத்தானே பிளேடால் கிழித்து கொண்டதாக தெரிவித்து அழுதார். ஜே.ஜே.நகர் இன்ஸ்பெக்டர், கோபாலகிருஷ்ணனை சமாதானப்படுத்தி அனுப்பிவைத்துள்ளார்.

மேலும் போலீசார் விசாரணையில், நாகர்கோவிலை சேர்ந்த கோபாலகிருஷ்ணனுக்கு திருமணமாகி குழந்தைகள் உள்ளன. தான் தங்கியிருந்த அடுக்குமாடு குடியிருப்பில், சமையல் வேலைக்காக வந்த பாத்திமாவுடன் பழக்கம் ஏற்பட்டு, அவரை 2 ஆவது திருமணம் செய்து, 12 வருடங்களாக வாழ்ந்து வந்துள்ளார். தற்பொழுது அவர் மீது சந்தேகம் ஏற்பட்டதால், பல பிரச்சனைகள் உருவாகியுள்ளது என போலீசார் தெரிவித்தனர்.