மரண பயம்… அலறிய சிறுமி… தெருவில் சென்ற சிறுமியை வேட்டையாடப் பாய்ந்த தெரு நாய் கூட்டம்… நொடியில் உயிர் தப்பிய அதிசயம்… நெஞ்சை பதறவைக்கும் சிசிடிவி காட்சி…!

உத்தரபிரதேச மாநிலம் சம்பல் பகுதியில், தெருவில் நடந்து சென்று கொண்டிருந்த ஒரு சிறுமியை தெருநாய்கள் கூட்டம் திடீரென சூழ்ந்து கொடூரமாக தாக்கியுள்ளது. நாய்களிடம் சிக்கி அந்த (அப்பாவி) சிறுமி அலறிய சத்தம் கேட்டு, அருகில் இருந்த கடைக்காரர் ஒருவர் உடனடியாக ஓடிவந்து நாய்களை விரட்டி அவளைக் காப்பாற்றினார். இந்தத் தாக்குதலில் சிறுமி பலத்த காயமடைந்து, தற்போது மருத்துவமனையில் தீவிர சிகிச்சை பெற்று வருகிறார். இந்த பதைபதைக்க வைக்கும் சம்பவத்தின் சிசிடிவி காட்சிகள் தற்போது சமூக வலைதளங்களில் வெளியாகி பார்ப்போரை அதிர்ச்சியில் ஆழ்த்தியுள்ளது.

https://twitter.com/ManojSh28986262/status/2075911320340410733/photo/1

சம்பல் பகுதியில் நாளுக்கு நாள் அதிகரித்து வரும் தெருநாய்களின் தொல்லை பொதுமக்களிடையே பெரும் அச்சத்தை ஏற்படுத்தியுள்ளது. குறிப்பாக குழந்தைகள் மற்றும் முதியவர்கள் தனியாக வெளியே செல்லவே அஞ்சும் நிலை உருவாகியுள்ளது. இச்சம்பவம் குறித்து அப்பகுதி மக்கள் கடும் கொந்தளிப்பில் உள்ளதோடு, தெருநாய்களின் அச்சுறுத்தலைக் கட்டுப்படுத்தவும், பொதுமக்களின் பாதுகாப்பை உறுதி செய்யவும் உள்ளூர் நிர்வாகம் உடனடியாக போர்க்கால அடிப்படையில் நடவடிக்கை எடுக்க வேண்டும் என்று கோரிக்கை விடுத்துள்ளனர்.