“சட்டத்தை கையில் எடுத்த மக்கள்”… சிறுவர்கள் என்று நினைக்காமல்… அலற அலற கம்பத்தில் கட்டி வைத்து அடித்த கிராம மக்கள்… போலீஸ் அதிரடி நடவடிக்கை… வைரலாகும் வீடியோ…!

மகாராஷ்டிராவின் லாத்தூர் மாவட்டம் ரேனாபூர் தாலுகாவிற்கு உட்பட்ட கரோலா கிராமத்தில், மூன்று சிறுவர்கள் விவசாய நிலத்தில் உள்ள போர்வெல் கம்பியைத் திருடியதாகக் கூறி, அங்கிருந்த கிராம மக்களால் கம்பத்தில் கட்டி வைத்து கொடூரமாகத் தாக்கப்பட்டுள்ளனர். இச்சம்பவம் ஒட்டுமொத்தப் பகுதியிலும் பெரும் அதிர்ச்சியையும் பரவலான கொந்தளிப்பையும் ஏற்படுத்தியுள்ளது. சட்டத்தைக் கையில் எடுத்த குற்றம் சாட்டப்பட்ட நபர்கள், சிறுவர்கள் என்று கூடப் பாராமல் அவர்களை விவசாய நிலத்தில் இருந்த ஒரு கம்பத்தில் கட்டி வைத்து இரக்கமின்றி அடித்துத் துன்புறுத்தியுள்ளனர். இந்த கொடூரமான தாக்குதல் குறித்த வீடியோ சமூக வலைத்தளங்களில் வெளியாகி வேகமாகப் பரவி வருவதோடு, பொதுமக்களிடையே கடும் கோபத்தை மூட்டியுள்ளது.

https://twitter.com/ManojSh28986262/status/2075911320340410733/photo/1

சம்பந்தப்பட்ட சிறுவர்கள் தவறு செய்திருந்தாலும், அவர்களுக்கு இத்தகைய மனிதநேயமற்ற முறையில் தண்டனை வழங்கியதற்கு சமூக வலைத்தளப் பயனர்களும் உள்ளூர் மக்களும் தங்களது கடுமையான கண்டனங்களைப் பதிவு செய்து வருகின்றனர். ஒருவேளை அவர்கள் திருட்டில் ஈடுபட்டிருந்தாலும், சிறுவர்களை இப்படிப்பட்ட சித்திரவதைக்கு உள்ளாக்கலாமா என்ற கேள்விகள் சமூகத்தில் பரவலாக எழுப்பப்பட்டு வருகின்றன. தற்போது இந்த வைரல் வீடியோவைக் கொண்டு காவல்துறையினர் வழக்குப் பதிவு செய்து, தீவிர விசாரணையைத் தொடங்கியுள்ளனர்.