“நெஞ்சை பதறவைக்கும் கொடூரம்: வெள்ள நீரில் பாய்ந்த மின்சாரம்… மடிந்து விழுந்த கல்லூரி மாணவிகள்… பதறவைக்கும் நேரடி வீடியோ…!!”

நவி மும்பையின் நெரூள் பகுதியில் பெய்த கனமழையால் ஏற்பட்ட வெள்ள நீரில் மின்சாரம் பாய்ந்ததில், இரண்டு கல்லூரி மாணவிகள் படுகாயமடைந்து உயிருக்கு ஆபத்தான நிலையில் மருத்துவமனையில் அனுமதிக்கப்பட்டுள்ளனர். நெரூள் எல்.பி. பாலத்திற்கு அடியில் உள்ள வெள்ளம் சூழ்ந்த சாலையில் அவர்கள் சென்று கொண்டிருந்தபோது, அங்கிருந்த மின்கம்பத்தில் இருந்து திறந்த நிலையில் இருந்த மின்சாரக் கம்பி தண்ணீரில் பட்டதால் இந்த விபத்து நேரிட்டுள்ளது.

இந்த அதிர்ச்சியூட்டும் சம்பவத்தின் போது, தண்ணீரில் மின்சாரம் பாய்ந்து மாணவிகள் இருவரும் சுருண்டு விழுந்துள்ளனர். இதைப் பார்த்த அங்கிருந்த உள்ளூர் மக்கள் மற்றும் பாதசாரிகள் உடனடியாக சாதுரியமாகச் செயல்பட்டு, தடியடி மற்றும் இதர பொருட்களைப் பயன்படுத்தி அந்த மாணவிகளைப் பத்திரமாக மீட்டனர். பின்னர் அவர்கள் சிகிச்சைக்காக அருகில் உள்ள மருத்துவமனைக்குக் கொண்டு செல்லப்பட்டு, தீவிர சிகிச்சைப் பிரிவில் அனுமதிக்கப்பட்டுள்ளனர்.

மும்பை மற்றும் அதன் சுற்றுவட்டாரப் பகுதிகளில் தொடர்ந்து பெய்து வரும் கனமழையால் பல இடங்கள் வெள்ளக்காடாக மாறியுள்ள நிலையில், இந்த விபத்து பெரும் பரபரப்பை ஏற்படுத்தியுள்ளது. இச்சம்பவம் குறித்து மாநகராட்சி மற்றும் மின்சார வாரிய அதிகாரிகள் தீவிர விசாரணைக்கு உத்தரவிட்டுள்ளதோடு, அப்பகுதியில் உள்ள பழுதான மின்கம்பிகள் மற்றும் மின்சார அமைப்புகளை அவசரமாகச் சீரமைக்கும் பணியில் ஈடுபட்டுள்ளனர்.