“என் கணவரைக் காப்பாத்துங்க”… திடீரென சீறிப்பாய்ந்த சொகுசு கார்… யூ-டர்னில் நொறுங்கிய பைக்… கதறி அழும் மனைவி… கண்ணீருடன் நீதி கேட்கும் குடும்பம்…!!

பெட் பஷிராபாத் காவல் நிலைய எல்லைக்குட்பட்ட சுசித்ரா சென்டர் பகுதியில், அதிவேகமாக வந்த கார் ஏற்படுத்திய கோர விபத்தில் கணவர் உயிரிழந்த சம்பவம் பெரும் சோகத்தை ஏற்படுத்தியுள்ளது. TNR மாலில் திரைப்படம் பார்த்துவிட்டு, அர்ஜுன் சர்தா மற்றும் அவரது மனைவி குர்ஜன் சர்தா ஆகியோர் தங்கள் இருசக்கர வாகனத்தில் வீடு திரும்பிக் கொண்டிருந்தனர். சவுத் இந்தியா ஷாப்பிங் மால் அருகே உள்ள ‘யூ-டர்ன்’ பகுதியில் அவர்கள் திரும்ப முயன்றபோது, பின்னால் கவனக்குறைவாகவும் மிக அதிவேகமாகவும் வந்த கார் அவர்கள் மீது பலமாக மோதியது. இதில் படுகாயமடைந்து மருத்துவமனையில் அனுமதிக்கப்பட்ட இருவரில், சிகிச்சை பலனின்றி அர்ஜுன் பரிதாபமாக உயிரிழந்தார். அவரது மனைவி குர்ஜன் உயிருக்கு ஆபத்தான நிலையில் தொடர்ந்து தீவிர சிகிச்சை பெற்று வருகிறார்.

இந்த விபத்தை ஏற்படுத்திய கார் ஓட்டுநர், வாகனத்தை சம்பவ இடத்திலேயே விட்டுவிட்டு தப்பியோடிவிட்டார். தற்போது காரை மட்டும் பறிமுதல் செய்துள்ள பெட் பஷிராபாத் காவல்துறையினர், இது தொடர்பாக வழக்குப்பதிவு செய்து தலைமறைவாக உள்ள ஓட்டுநரை தீவிரமாகத் தேடி வருகின்றனர். விபத்து நடந்து ஓட்டுநர் இன்னும் கைது செய்யப்படாததால் பெரும் அதிர்ச்சியிலும் சோகத்திலும் ஆழ்ந்துள்ள உயிரிழந்தவரின் குடும்பத்தினர், தங்களுக்கு உடனடியாக நீதி கிடைக்க வேண்டும் என காவல்துறையினரிடம் கோரிக்கை விடுத்துள்ளனர். அதிவேகமும் கவனக்குறைவான ஓட்டுதலும் ஒரு அப்பாவி உயிரைப் பறித்துள்ள இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.