“அவசர சிகிச்சை பிரிவுக்குள் நுழைந்த 2 காளை மாடுகள்…” மருத்துவமனையில் அலறியடித்து ஓடிய நோயாளிகள்… சோஷியல் மீடியாவில் தீயாய் பரவும் வீடியோ…!!

உத்தரப் பிரதேச மாநிலம் மஹோபா மாவட்டத்தில் உள்ள அரசு தலைமை மருத்துவமனையின் அவசர சிகிச்சைப் பிரிவுக்குள் இரண்டு காளை மாடுகள் திடீரென புகுந்து உலா வந்த சம்பவம் நோயாளிகள் மற்றும் பார்வையாளர்களிடையே பெரும் பீதியையும் பரபரப்பையும் ஏற்படுத்தியுள்ளது. பிரதான கதவு வழியாக மருத்துவமனைக்குள் நுழைந்த இரண்டு காளைகளும் நோயாளிகள் சிகிச்சை பெற்றுக்கொண்டிருந்த அவசர சிகிச்சைப் பிரிவுக்குள் புகுந்தன.

இதைக் கண்டு அதிர்ச்சியடைந்த நோயாளிகளும் அவர்களது உறவினர்களும் கட்டில்களில் இருந்து எழுந்து அலறியடித்து ஓடினர். பின்னர் அங்கிருந்தவர்கள் பெரும் போராட்டத்திற்குப் பிறகு காளைகளைப் விரட்டி அடித்தனர். நல்வாய்ப்பாக யாருக்கும் காயம் ஏற்படவில்லை என்றாலும், அரசு மருத்துவமனையின் பாதுகாப்பு குறைபாடுகள் குறித்தும், சுற்றியுள்ள சுற்றித்திரியும் கால்நடைகளின் அச்சுறுத்தல் குறித்தும் பொதுமக்கள் கடுமையான கண்டனங்களைத் தெரிவித்து வருகின்றனர்.