அடுத்தடுத்து சென்ற வாகனங்கள்… பயங்கர சத்தத்துடன் இடிந்து விழுந்த சுவர்…. இணையத்தில் தீயாய் பரவும் வீடியோ…!!

மகாராஷ்டிரா மாநிலம் சோலாபூர் நகரின் திலக் சௌக் பகுதியில் உள்ள குபேர்கல்லி பகுதியில் பழமையான சுவர் ஒன்று திடீரென இடிந்து விழுந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது. ‘தேஷ்பாண்டே வாடா’ என்ற பகுதியில் அமைந்துள்ள அந்தப் பலவீனமான சுவர் இடிந்து விழும் காட்சிகள் சமூக வலைதளங்களில் வைரலாகி வருகிறது.

இது குறித்து அப்பகுதி மக்கள் பலமுறை மாநகராட்சி நிர்வாகத்திற்கு எச்சரிக்கை விடுத்தும் எந்த நடவடிக்கையும் எடுக்கப்படவில்லை என்று குற்றச்சாட்டுகள் எழுந்துள்ளன. அதிர்ஷ்டவசமாக இந்த விபத்தில் யாருக்கும் காயங்களோ உயிர் சேதமோ ஏற்படவில்லை என்றாலும், நகரின் பல பகுதிகளில் உள்ள பழமையான மற்றும் ஆபத்தான கட்டடங்களை இடித்து அகற்ற அதிகாரிகள் உடனடியாக நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.