அட கடவுளே… எங்கள் ஹூக்கா பார் பத்தி செய்தி போடுறியாடா?… பத்திரிகையாளர் மீது நடந்த கொடூரத் தாக்குதல்… லக்னோவில் பரபரப்பு…!

லக்னோ ஹஸ்ரத்கஞ்ச் பகுதியில் அமைந்துள்ள ‘மெராஜ் கஃபே’ உரிமையாளர், பல வாலிபர்களை வரவழைத்து பத்திரிகையாளர் ஹசீப் அலி மீது கொடூரமான முறையில் தாக்குதல் நடத்தியுள்ளார். சட்டவிரோதமாகச் செயல்படும் ஹூக்கா பார் குறித்து செய்தி வெளியிட்டதே இந்த வன்முறைத் தாக்குதலுக்குக் காரணம் எனத் தெரிகிறது.

“எங்கள் ஹூக்கா பார் பற்றி ஏன் செய்தி வெளியிடுகிறாய்?” என்று கூறி பத்திரிகையாளரை மிரட்டி, அந்த கும்பல் இந்தத் தாக்குதலை நடத்தியுள்ளது. உண்மைச் செய்திகளைச் சேகரிக்கும் பத்திரிகையாளர்கள் மீது நடத்தப்படும் இதுபோன்ற தாக்குதல்கள் அப்பகுதியில் பெரும் அதிர்ச்சியையும் கொந்தளிப்பையும் ஏற்படுத்தியுள்ளன.

https://twitter.com/MohdSha13717987/status/2100062224610210102/video/1

சம்பவம் குறித்து காவல்துறையின் கவனத்திற்கு கொண்டு செல்லப்பட்டுள்ளது. சட்டவிரோத ஹூக்கா பார் உரிமையாளர் மற்றும் தாக்குதலில் ஈடுபட்டவர்கள் மீது லக்னோ காவல் துறை, உத்தரப் பிரதேச காவல் துறை எந்த மாதிரியான கடுமையான நடவடிக்கை எடுக்கப்போகிறது என்பதைப் பொறுத்திருந்துதான் பார்க்க வேண்டும்.