அய்யய்யோ… என்ன கொடுமை இது…. மகளின் சாதி மறுப்புத் திருமணம்…. உயிருடன் இருக்கும் போது… பாடை கட்டி இறுதிச்சடங்கு செய்த தந்தை… அதிர்ச்சியில் கிராமம்…!

சாதி மறுப்புத் திருமணம் செய்துகொண்ட மகளை, உயிருடன் இருக்கும்போதே பெற்ற தந்தையே இறந்ததாகக் கருதி இறுதிச்சடங்கு செய்த அதிர்ச்சிச் சம்பவம் சமூகத்தில் பெரும் பரபரப்பை ஏற்படுத்தியுள்ளது. பெற்றோர் பார்த்து நிச்சயித்த திருமணத்தை மீறி, மகள் தனது விருப்பப்படி வேறொரு சாதியைச் சேர்ந்த இளைஞரைக் காதலித்துத் திருமணம் செய்துகொண்டதால் ஆத்திரமடைந்த தந்தை இந்த காரியத்தில் ஈடுபட்டுள்ளார்.

மகள் உயிருடன் இருக்கும்போதே அவருக்குப் பாடை கட்டி, கிராமம் முழுவதும் ஊர்வலமாக எடுத்துச் சென்று மயானத்தில் தகனம் செய்துள்ளார். அத்துடன், இந்து சாஸ்திர முறைப்படி மகளுக்குச் செய்ய வேண்டிய அனைத்துக் காரியங்களையும், அஸ்தி கரைப்பு வரை செய்து முடித்துள்ளனர். ‘குடும்பத்தின் மானமும் கௌரவமும்தான் முக்கியம்’ என்று கூறி, சொந்த மகளையே இறந்தவராகக் கருதி தந்தை செய்த இந்தச் செயல் கிராம மக்கள் இடையே அதிர்ச்சியை ஏற்படுத்தியது.

சாதி மற்றும் “கௌரவம்” என்ற பெயரில் சொந்தப் பிள்ளையையே உயிரோடு பிணமாக பாவிக்கும் இதுபோன்ற சடங்குகள், இன்றளவும் சமூகத்தில் வேரூன்றியிருக்கும் சாதிய மனோபாவத்தையும், போலி கௌரவத்தின் கொடூர முகத்தையும் வெளிச்சம்போட்டுக் காட்டுகின்றன. இச்சம்பவம் தொடர்பாக காவல்துறை மற்றும் அதிகாரிகள் விசாரணை மேற்கொண்டு வருகின்றனர்.