அங்க தொட்டு இங்க தொட்டு தயாரிப்பாளர்கள் அடிமடியில் கைவைத்த அட்லீ… அல்லு அர்ஜுன் படத்துக்கு அட்வான்ஸே இத்தனை கோடியா…?

தமிழ் சினிமா மட்டுமின்றி உலக அளவில் சினிமா உலகில் தவிர்க்க முடியாத இயக்குனர்களில் ஒருவராக மாறி விட்டார் இயக்குனர் அட்லீ. அட்லீ – ஷாருக்கான் கூட்டணியில் வெளியான ‘ஜவான்’ திரைப்படம் சூப்பர் ஹிட் வெற்றி பெற்ற பாக்ஸ் ஆபிஸில் 1140 கோடி ரூபாயை வசூலித்து சாதனை படைத்துள்ளது.

ஜவான் படத்திற்கு இசையமைப்பாளர் அனிருத் இசையமைத்து இருந்தார். அப்படத்தின் பாடல்கள் பெரிய அளவில் வரவேற்பை பெற்று தாறுமாறு ஹிட் அடித்தது.  அதை தொடர்ந்து இயக்குனர் அட்லீயுடன் அல்லு அர்ஜுன், கூட்டணி சேர உள்ளார் என்றும் அப்படத்திற்கு அனிருத் இசையமைக்க உள்ளார் என்றும் கூறப்பட்டது.

நடிகர் அல்லு அர்ஜுன் தற்பொழுது ‘புஷ்பா 2’ படத்தில் நடித்து வருகிறார். இத்திரைப்படம் வருகிற ஆகஸ்ட் 15ம் தேதி ரிலீஸாக உள்ளதும் குறிப்பிடத்தக்கது. இதனைத்தொடர்ந்து இயக்குனர் அட்லீ இயக்கத்தில் ஒரு புதிய ப்ராஜெக்ட்டில் ஒப்பந்தம் ஆகி உள்ளார். இத்திரைப்படத்தை சன் பிக்சர்ஸ் மற்றும் மைத்திரி மூவி மேக்கர்ஸ் இணைந்து தயாரிக்க உள்ளனர்.  நடிகர் அல்லு அர்ஜுன் உடன் திரிஷா மற்றும் சமந்தா இருவரும் நடிக்க இருப்பதாகவும் கூறப்படுகிறது.

படத்தின் மொத்த பட்ஜெட் 400 கோடி முதல் 450 கோடி என்று கூறப்பட்டு வரும் நிலையில் , இதில் அட்லிக்கு மட்டும் 60 கோடி சம்பளமாம். மேலும் அவர் 10 கோடி அட்வான்ஸ் வாங்கி உள்ளார். இதுமட்டுமின்றி படத்தின் லாபத்தில் வேறு பங்கு கேட்டு உள்ளாராம். அங்க தொட்டு இங்க தொட்டு தயாரிப்பாளர்கள் அடிமடியிலேயே கைவைத்த அட்லீயை பார்த்து, என்ன செய்வதென்று தெரியாமல் தயாரிப்பாளர்கள் அதிர்ச்சியில் உறைந்து தான் போயுள்ளனர்.