“பணத்தையே விற்றுப் பணம் சம்பாதிக்கும் வினோத மனிதர்”… இப்படியும் கூட தொழில் செய்யலாமா?… இணையத்தை அதிரவைக்கும் ஒரு வித்தியாசமான ஐடியா..!!!

சமூக வலைதளங்களில் தற்போது வைரலாகி வரும் ஒரு காணொளி, பலரையும் வியப்பில் ஆழ்த்தியுள்ளது. அதில் ஒரு நபர் சாலையோரம் அமர்ந்து, தன்னிடம் உள்ள சில்லறை நாணயங்கள் மற்றும் சிறிய ரூபாய் நோட்டுகளை மற்றவர்களுக்குக் கொடுத்து, அதற்குப் பதிலாக ஒரு குறிப்பிட்ட தொகையைக் கமிஷனாகப் பெற்று பணத்தைச் சம்பாதித்து வருகிறார்.

மேலும் பொதுவாக மக்கள் பொருட்களை விற்றுப் பணம் சம்பாதிப்பார்கள், ஆனால் இவர் ‘பணத்தையே விற்றுப் பணம் சம்பாதிக்கும்’ இந்த விசித்திரமான மற்றும் புத்திசாலித்தனமான வணிக உத்தி பலரது கவனத்தை ஈர்த்துள்ளது. சந்தை, பேருந்து நிலையங்கள் மற்றும் சிறிய கடைகளில் பெரிய நோட்டுகளை மாற்றிக் கொள்ள முடியாமல் மக்கள் தவிக்கும் பொதுவான பிரச்சினையை இவர் தனது வருமானத்திற்கான வாய்ப்பாக மாற்றியுள்ளார்.

“>

உதாரணமாக, 100 ரூபாய் நோட்டுக்குச் சில்லறை தேவைப்படுபவர்கள் இவரிடம் சென்றால், ஒரு சிறிய தொகையைக் கழித்துக் கொண்டு மீதத்தைச் சில்லறையாகத் தருகிறார். எளிய தேவையைப் புரிந்து கொண்டு செயல்படும் இவரது இந்த முயற்சி, சமூக வலைதளங்களில் “சம்பாதிக்கத் தெரிந்தவர் எங்கும் எதையும் வைத்துச் சம்பாதிப்பார்” என்ற பாராட்டுக்களுடன் வைரலாகி வருகிறது.