சார் ரொம்ப வலிக்குது விட்டுருங்க… பிரேக் டைமில் கிளாஸ் மாறி அமர்ந்த மாணவனை… கழுத்தில் மிதித்தே தாக்கிய ஆசிரியர்…. பரபரப்பு வீடியோ….!

ஹர்தோய் மாவட்டத்தின் கோட்வாலி நகரில் அமைந்துள்ள ஆர் ஆர் இன்டர் கல்லூரியில் நடந்த 11-ம் வகுப்பு மாணவர் தாக்குதல் குறித்த வீடியோ வெளியாகி அதிர்ச்சியை ஏற்படுத்தியுள்ளது. இந்த சம்பவம் மதிய உணவு நேரத்தில் நடந்துள்ளது. இன்னும் சில நிமிடங்கள் இருந்த போதிலும் மாணவன் மற்றொரு வகுப்பில் அமர்ந்திருந்தார். ஆசிரியர் வருவதை அறிந்து மாணவன் வேறு வழியாக வெளியேற முயன்றுள்ளார். இதனைக் கண்ட ஆசிரியர் மாணவனை தடுத்து நிறுத்தி கைகளால் தாக்கியுள்ளார். மனோஜ் குமார், சுரேந்திர பாண்டே மற்றும் அரவிந்த் உள்ளிட்ட மூன்று ஆசிரியர்கள் மற்றும் இன்னும் இரண்டு நபர்கள் மாணவனை முதல்வரின் அறைக்கு அழைத்துச் சென்று கடுமையாக தாக்கியுள்ளனர்.

இந்த சம்பவம் குறித்த வீடியோ இணையத்தில் பரவி வரும் நிலையில் மாணவனை கழுத்தில் மிதித்து கொடூரமாக தாக்கும் அதிர்ச்சி காட்சிகள் இடம் பெற்றுள்ளது. மாணவன் போலீசில் புகார் அளித்தால் எதிர்காலம் பாழாகும் என்று அவர்கள் மிரட்டி உள்ளனர். மாணவனின் பெற்றோர் அளித்த புகாரின் அடிப்படையில் அந்த மூன்று ஆசிரியர்கள் மீது வழக்குப்பதிவு செய்யப்பட்டுள்ளது. மேலும் அடையாளம் தெரியாத இரண்டு நபர்களையும் போலீசார் தேடி வருகின்றனர். கல்வியின் நிறுவனத்தில் மாணவனிடம் நடந்த இந்த கொடூர தாக்குதல் மாணவர் பாதுகாப்பு குறித்து கேள்வி எழுப்பியுள்ளது. இந்த சம்பவம் குறித்த வீடியோ வெளியாகி தற்போது பலரையும் அதிர்ச்சியில் ஆழ்த்தியுள்ளது.