ஐடி ஊழியர்களே உஷார்…! குனிந்து வேலை பார்ப்பதால் கழுத்து எலும்பில் தேய்மானமா…? இதோ எளிய தீர்வுகள்…!!

தற்கால டிஜிட்டல் உலகில் நீண்ட நேரம் அலைபேசி மற்றும் மடிக்கணினிகளைத் குனிந்து பார்ப்பதால் ஏற்படும் கழுத்து வலி, சாதாரணமான ஒன்றாகத் தெரிந்தாலும் அது ‘செர்விகல் ஸ்பான்டைலிடிஸ்’ எனப்படும் எலும்புத் தேய்மானத்தின் அறிகுறியாக இருக்கலாம். முதுகெலும்பின் மேற்பகுதியிலுள்ள வட்டுக்கள் பலவீனமடைவதால் ஏற்படும் இந்தப் பிரச்சனை, கழுத்து விறைப்பு, கடுமையான தலைவலி மற்றும் கைகளில் மரத்துப்போதல் போன்ற உபாதைகளை உண்டாக்குகிறது. ஆரம்பத்திலேயே கவனிக்கத் தவறினால், நரம்புகளில் அழுத்தம் ஏற்பட்டு கைகளின் இயக்கம் பலவீனமடையும் அபாயம் உள்ளதால், கழுத்து வலியை ஒருபோதும் அலட்சியப்படுத்தக் கூடாது என மருத்துவர்கள் எச்சரிக்கின்றனர்.

இந்தப் பாதிப்பிலிருந்து தப்பிக்க வேலை செய்யும் போது கணினித் திரையை கண் மட்டத்திலேயே வைத்திருப்பதுடன், அவ்வப்போது கழுத்துக்கான எளிய நீட்சிப் பயிற்சிகளைச் செய்வது அவசியம். சரியான உயரமுள்ள தலையணையைப் பயன்படுத்துவது, உடல் எடையைச் சீராக வைத்திருப்பது மற்றும் கனமான பொருட்களைத் தூக்குவதைத் தவிர்ப்பது போன்ற வாழ்வியல் மாற்றங்கள் முதுகெலும்பு ஆரோக்கியத்தை மேம்படுத்தும். வீட்டு வைத்திய முறைகளால் வலி குறையாமல் தொடர்ந்தாலோ அல்லது கைகளில் பலவீனம் ஏற்பட்டாலோ, தாமதிக்காமல் எலும்பு முறிவு நிபுணரை அணுகி உரிய சிகிச்சை பெறுவதே சாலச்சிறந்தது.