“போட்ட பணம் டபுளா திரும்பி வரும்…” கோடிகளில் கூட சேமிக்கலாம்… நடுத்தர மக்களுக்கான அசத்தலான திட்டம்…!!

தபால் நிலையத்தின் ‘கிசான் விகாஸ் பத்ரா’ (KVP) திட்டம், முதலீட்டாளர்களின் பணத்தை பாதுகாப்பாக இரட்டிப்பாக்க உதவும் ஒரு சிறந்த சேமிப்புத் திட்டமாகும். மத்திய அரசின் 100 சதவீத உத்தரவாதம் கொண்ட இத்திட்டத்தில், தற்போதைய 7.5 சதவீத வட்டி விகிதத்தின்படி, நீங்கள் முதலீடு செய்யும் தொகை சரியாக 115 மாதங்களில் (9 ஆண்டுகள் மற்றும் 7 மாதங்கள்) இருமடங்காகப் பெருகும். உதாரணமாக, இன்று நீங்கள் 5 லட்சம் ரூபாய் டெபாசிட் செய்தால், முதிர்வு காலத்தில் எவ்வித அபாயமுமின்றி 10 லட்சம் ரூபாயைப் பெற முடியும். குறைந்தபட்சம் 1,000 ரூபாயிலிருந்து முதலீட்டைத் தொடங்கலாம் என்பதோடு, அதிகபட்ச முதலீட்டிற்கு எவ்வித வரம்பும் கிடையாது என்பது குறிப்பிடத்தக்கது.

இந்தியக் குடிமக்கள் எவர் வேண்டுமானாலும் தனித்தோ அல்லது கூட்டாகவோ இத்திட்டத்தின்கீழ் கணக்கைத் தொடங்கலாம்; குழந்தைகளின் பெயரிலும் முதலீடு செய்ய முடியும். அவசரத் தேவை ஏற்பட்டால், இரண்டரை வருட முடக்கக் காலத்திற்குப் பிறகு பணத்தைத் திரும்பப் பெறும் வசதி இதில் உள்ளது. மேலும், இந்தச் சான்றிதழை வங்கிகளில் பிணையாக வைத்து எளிதாகக் கடன் பெறவும் முடியும். பங்குச் சந்தை அபாயங்களுக்கு அஞ்சாமல், நீண்ட கால அடிப்படையில் நிலையான லாபத்தை எதிர்பார்க்கும் முதலீட்டாளர்களுக்கு, எந்தவொரு போஸ்ட் ஆபீஸிலும் கிடைக்கக்கூடிய இந்தத் திட்டம் ஒரு பாதுகாப்பான வரப்பிரசாதமாகும்.