கர்நாடகாவில் இருந்து தமிழகத்திற்கு காவிரி நீர் திறந்து விடப்படுவதைக் கண்டித்து, கன்னட அமைப்புகளின் கூட்டமைப்பு சார்பில் அம்மாநிலத்தில் இன்று முழு அடைப்புப் (பந்த்) போராட்டம் நடத்தப்பட்டது. தமிழ்நாட்டிற்குச் சொட்டு நீர் கூடத் திறக்கக் கூடாது என்பதை வலியுறுத்தி மைசூரு, கொப்பால், அத்திப்பள்ளி போன்ற பல இடங்களில் போராட்டங்கள் தீவிரமடைந்தன. இதனிடையே, பெங்களூர் மெஜஸ்டிக் பேருந்து நிலையத்திற்குச் சென்று பேருந்து சேவைகளை முடக்கத் திட்டமிட்ட கன்னட சலவளி அமைப்பின் தலைவர் வாட்டாள் நாகராஜை, டாலர்ஸ் காலனியில் உள்ள அவரது வீட்டில் வைத்து காவல்துறையினர் கைது செய்தனர். அப்போது, தன் வாயில் கருப்பு ‘டேப்’ ஒட்டி அவர் நூதன முறையில் எதிர்ப்புத் தெரிவித்த போதிலும், அசம்பாவிதங்களைத் தவிர்க்க போலீசார் அவரை வலுக்கட்டாயமாகக் கைது செய்து அழைத்துச் சென்றனர்.
போராட்டங்கள் தீவிரமடைந்துள்ள போதிலும், எல்லையோரப் பகுதிகளில் பலத்த போலீஸ் பாதுகாப்பு போடப்பட்டுச் சூழல் தொடர்ந்து தீவிரமாகக் கண்காணிக்கப்பட்டு வருகிறது. பெங்களூரில் பிஎம்டிசி பேருந்துகள், மெட்ரோ ரயில்கள், கடைகள், பள்ளி-கல்லூரிகள் மற்றும் தனியார் நிறுவனங்கள் வழக்கம்போல் செயல்பட்டு வருகின்றன. மேலும், ஓசூர் வழியே பெங்களூருவுக்குச் செல்லும் தமிழக அரசுப் பேருந்துகள் எந்தவிதத் தடங்கலுமின்றி வழக்கம்போல் இயக்கப்பட்டு வருவதால், எல்லையோரப் போக்குவரத்து சீராக நடைபெற்று வருகிறது.
பீகார் மாநிலம் பக்ஸார் மாவட்டத்தைச் சேர்ந்த ஊரக வளர்ச்சி அதிகாரி அல்பிதா சிங், கடந்த எட்டு மாதங்களாகத் தனக்கு சம்பளம்…
பெங்களூரு யெலஹங்கா பகுதியில், தனது மகளுடன் பழகியதாகக் கூறி கேரளாவைச் சேர்ந்த 22 வயது தொழிலாளியை அவரது முதலாளியே அடித்துக்…
உத்தரப் பிரதேச மாநிலம் பராபங்கியைச் சேர்ந்த சந்தீப் வர்மா என்பவரும் ரீமா வர்மா (30) என்பவரும் காதலித்து திருமணம் செய்து…
திருவாரூர் வடம்போக்கி பகுதியைச் சேர்ந்தவர் சங்கர்ராமன் (73). இவர் அங்குள்ள தெட்சிணாமூர்த்தி மடத்தில் பணியாற்றி வந்தார். இந்நிலையில், தியாகராஜர் கோயில்…
பெங்களூருவின் பன்னேருகட்டா பகுதி அருகே சி.கே. பாளையா சாலையில் அமைந்துள்ள 'ஹலேவூரு கபாப் சென்டர்' உணவகத்தில் அக்டோபர் 28 அன்று…
தீபாவளி பண்டிகையின் போது பட்டாசுகளை வெடிக்கும்போது ஏற்படும் விபத்துகளால் கடுமையான தீக்காயங்கள் மற்றும் நிரந்தர பார்வை இழப்பு ஏற்படக்கூடும் என்று…