“வீட்டில் மகளுடன் இருந்த தொழிலாளி…” தனியாக அழைத்து சென்று முதலாளி செய்த கொடூரம்… நெஞ்சை உலுக்கும் பயங்கர சம்பவம்…!!

பெங்களூரு யெலஹங்கா பகுதியில், தனது மகளுடன் பழகியதாகக் கூறி கேரளாவைச் சேர்ந்த 22 வயது தொழிலாளியை அவரது முதலாளியே அடித்துக் கொன்ற சம்பவம் பெரும் அதிர்ச்சியை ஏற்படுத்தியுள்ளது.

கேரள மாநிலம் பாலக்காடு மாவட்டம் திருவேகப்புறாவைச் சேர்ந்த கிரண் (22), பெங்களூரு வடக்குப் பகுதியில் ஆனந்த்ராஜ் என்பவருக்குச் சொந்தமான உற்பத்தித் தொழிற்சாலையில் தனது சகோதரருடன் சேர்ந்து வேலை செய்து வந்தார். ஆனந்த்ராஜின் 19 வயது மகள் அருகில் உள்ள நகரில் படித்து வந்த நிலையில், விடுமுறைக்காக வீடு திரும்பியுள்ளார். அப்போது கிரணுக்கும் அந்தப் பெண்ணுக்கும் இடையே பழக்கம் ஏற்பட்டுள்ளது.

சம்பவத்தன்று காலை வீட்டைவிட்டுச் செல்வதுபோல் நாடகமாடிய ஆனந்த்ராஜும் அவரது மனைவியும் திடீரென வீடு திரும்பியபோது, கிரண் வீட்டிற்குள் இருப்பதைக் கண்டுள்ளனர். உடனே மகளைச் சொந்தக்காரர்களின் வீட்டிற்கு அனுப்பிவிட்டு, கிரணை மட்டும் வீட்டில் தனியே நிறுத்திய ஆனந்த்ராஜ் அவரைத் தாக்கியுள்ளார். இதில் படுகாயமடைந்து மயக்கமடைந்த கிரணை மருத்துவமனைக்குக் கொண்டு சென்றபோது அவர் ஏற்கனவே இறந்துவிட்டதாக மருத்துவர்கள் தெரிவித்தனர்.

இந்தக் கொலை திட்டமிடப்பட்டு நடத்தப்பட்டதாகக் கூறும் உறவினர்கள், கிரணின் சகோதரரை மட்டும் வேண்டுமென்றே டெலிவரி பணிக்காக உத்தரப் பிரதேசத்திற்கு அனுப்பிவிட்டு கொலையை அரங்கேற்றியதாகக் குற்றம் சாட்டியுள்ளனர். யெலஹங்கா காவல்துறையினர் கொலை வழக்குப்பதிவு செய்து ஆனந்த்ராஜைக் கைது செய்து தீவிர விசாரணை நடத்தி வருகின்றனர்.