ஒருவழியாக ஓய்ந்த பஞ்சாயத்து… சிவகார்த்திகேயனுக்கு கிடைத்த மகுடம்..!

சிவகார்த்திகேயன் தமிழ் சினிமாவில் வளர்ந்து வரும் நடிகராக இருந்து தற்போது முன்னணி நடிகராக ஆகியிருக்கிறார். எந்த ஒரு சினிமா பின்புறமும் இல்லாத குடும்பத்திலிருந்து வந்து தனது விடாமுயற்சி உழைப்பினால் சினிமாவில் தனக்கென ஒரு இடத்தை பிடித்திருக்கிறார். சின்னத்திரை விஜய் டிவியில் தொகுப்பாளராக தனது கேரியரை ஆரம்பித்த சிவகார்த்திகேயன் அதன் மூலம் சினிமாவில் நுழைந்தார்.

ஆரம்பத்தில் காமெடி கதை அம்சம் கொண்ட படங்களில் நடித்துக் கொண்டிருந்த சிவகார்த்திகேயன் வருத்தப்படாத வாலிபர் சங்கம் படத்தின் மூலமாக திருப்புமுனையைப் பெற்றார். அதற்கடுத்ததாக கமர்சியல் படங்களில் நடித்தார். வேலைக்காரன் சீமராஜா போன்ற படங்களில் நடித்ததன் மூலம் பிரபலமானார்.

சமீபத்தில் தீபாவளியை முன்னிட்டு இவர் நடித்த அமரன் திரைப்படம் மாபெரும் வெற்றி பெற்றது. அமரன் திரைப்படம் சிவகார்த்திகேயனின் கேரியரை அடுத்த லெவலுக்கு கொண்டு சென்றுவிட்டது என்று தான் சொல்ல வேண்டும். அந்த அளவுக்கு அனைவரையும் பாராட்டுகளையும் பெற்றிருந்தார். தற்போது அடுத்தடுத்து படங்களில் கமிட்டாகி பிஸியாக நடித்துக் கொண்டிருக்கும் சிவகார்த்திகேயன் சுதா கொங்கரா இயக்கத்தில் தனது 25வது படத்தில் நடித்து வருகிறார்.

அதில் ஜெயம் ரவி அதர்வா ஆகியோர் நடிக்க உள்ளனர். இந்தத் திரைப்படத்தின் படப்பிடிப்பு தொடங்கிய நிலையில் அந்த புகைப்படங்கள் இணையத்தில் வெளியாகி வரும் நிலையில் படத்தின்  தலைப்பு பராசக்தி என்று வைக்கப்பட்டதாக கூறப்பட்டது. இதனை எதிர்த்து சிவாஜி நற்பணி மன்றமும் அறிக்கை வெளியிட்டது. ஆனால் அதையும் மீறி தற்போது டைட்டில் டீசர் வெளியாகியுள்ளது.