விஜய்யோட பிள்ளைங்க வந்து “எங்க அப்பா பாத்துக்கலைன்னு குறை சொன்னாங்களா..?” பிரபல ஜோதிடர் ஓபன் டாக்..!!

நடிகர் விஜய் அரசியலில் களம் இறங்கி ‘தமிழக வெற்றிக் கழகம்’ என்ற கட்சியைத் தொடங்கியதில் இருந்து, அவருக்குப் பல்வேறு சவால்கள் எழுந்து வருகின்றன. ஒருபுறம் அரசியல் பணிகள் தீவிரமடைந்து வரும் நிலையில், மறுபுறம் அவரது தனிப்பட்ட வாழ்க்கை குறித்த சர்ச்சைகளும் சில ஆண்டுகளாகவே நீடித்து வருகின்றன. குறிப்பாக, விஜய்யின் மனைவி சங்கீதா விவாகரத்து கோரி மனு தாக்கல் செய்துள்ளதாக வெளியான தகவல் பெரும் பரபரப்பை ஏற்படுத்தியது. இந்த வழக்கு கடந்த ஏப்ரல் 20-ஆம் தேதி விசாரணைக்கு வந்தபோது, நீதிபதி வழக்கை ஜூன் 15-ஆம் தேதிக்கு ஒத்திவைத்தார்.

இந்த விவகாரம் குறித்துப் பிரபல ஜோதிடர் ஷெல்வி அளித்த பேட்டி தற்போது கவனத்தைப் பெற்றுள்ளது. அதில் அவர் கூறுகையில், “விஜய்க்கும் எனக்கும் ஓரளவு பழக்கம் உண்டு, அவருக்கு நெருக்கமான நண்பர்கள் எனது நெருங்கிய வட்டாரத்தில் இருக்கிறார்கள். அவர் நன்றாக இருக்க வேண்டும் என்பதே எனது விருப்பம். விவாகரத்து வழக்கு எட்டு ஆண்டுகள் நடந்த பிறகு கூட, பிள்ளைகளுக்காக மீண்டும் ஒன்று சேர்ந்த தம்பதிகள் இருக்கிறார்கள். அதேபோல் விஜய்யும் சங்கீதாவும் ஏன் மீண்டும் சேரக்கூடாது?” என்ற கேள்வியை எழுப்பியுள்ளார்.

மேலும், விஜய் தனது குடும்பத்தைச் சரியாகக் கவனித்துக் கொள்ளவில்லை என்று கூறப்படுவதையும் அவர் மறுத்துள்ளார். “விஜய் குடும்பத்தைப் பார்த்துக் கொள்ளவில்லை என்பது எப்படித் தெரியும்? அவர் கவனிக்காமல் பிள்ளைகள் வளர்ந்திருக்க முடியுமா? அல்லது அவரது பிள்ளைகளாவது விஜய்யைக் குறை சொன்னார்களா? உண்மை நிலை தெரியாமல் ஒருவரைப் பற்றி இப்படியெல்லாம் பேசுவது முறையல்ல” என்று அவர் விஜய்க்கு ஆதரவாகத் தனது கருத்துக்களைப் பதிவு செய்துள்ளார்.