திருவள்ளூர் மாவட்டம் பூந்தமல்லியில் செயல்பட்டு வரும் பார்வை மாற்றுத்திறனாளி மாணவர்களுக்கான கல்வி மையத்தில், விடுதி வார்டன்கள் தங்களைப் துன்புறுத்துவதாக மாணவர்கள் தரப்பில் கடுமையான குற்றச்சாட்டுகள் எழுந்துள்ளன. அங்கு தொழிற்பயிற்சி பயிலும் திருவண்ணாமலையைச் சேர்ந்த நெடுஞ்செழியன் என்ற மாணவர், முதலமைச்சர் மு.க.ஸ்டாலினுக்கு வீடியோ மூலம் கோரிக்கை ஒன்றை விடுத்துள்ளார்.
அதில், விடுதி வார்டன் திருமுருகன், மாணவர்களுக்கான உணவில் பெரும்பாலான பங்கைத் தன் வீட்டிற்கு எடுத்துச் செல்வதாகவும் குறிப்பாக சிக்கன், பிரியாணி போன்றவற்றை, நன்கொடைப் பொருட்களையும் அபகரிப்பதாகவும் குற்றம் சாட்டினார். இதை எதிர்த்துக் கேள்வி கேட்டால், வார்டன் தகாத வார்த்தைகளால் பேசி, அடிக்க வருவதுடன் பாலியல் சீண்டல்களிலும் ஈடுபடுவதாககூறியுள்ளார்.
மற்ற மாற்றுத்திறனாளி மாணவர்களுக்கு இந்த நிலை வரக்கூடாது என்று கூறி, வார்டனை உடனடியாகப் பணிநீக்கம் செய்ய முதலமைச்சரிடம் அவர் கோரிக்கை வைத்துள்ளார். இந்த வீடியோ வைரலான நிலையில், இது குறித்துப் பள்ளி முதல்வரிடம் கேட்டபோது, மாணவனின் குற்றச்சாட்டுகளை அவர் மறுத்துள்ளார். மேலும், வார்டன் திருமுருகன் ஒரு மாற்றுத்திறனாளி என்றும், அவரை மாற்ற ஒரு சதி நடப்பதாகவும் கூறிய அவர், வீடியோ குறித்து விசாரணை செய்து நடவடிக்கை எடுக்கப்படும் என்றும் உறுதியளித்துள்ளார்.
தருமபுரி மாவட்டம் மாரண்டஅள்ளி அருகே மனைவியின் முன்னாள் காதலனுடன் ஏற்பட்ட கள்ளக்காதல் தகராறில், இருவரையும் சமாதானம் செய்யச் சென்ற நண்பர்…
ராஜஸ்தான் மாநிலத்தைச் சேர்ந்த அகில் குமார் சந்தக் என்பவர், கடந்த 2019-ஆம் ஆண்டு டெல்லியில் அசாம் மாநிலத்தைச் சேர்ந்த நூர்ஷிகா…
கேரள மாநிலம் கொச்சி பொன்னுருன்னி பகுதியில் உள்ள அடுக்குமாடிக் குடியிருப்பில் வசிக்கும் பிரபல மலையாள நடிகை அதுல்யா சந்திரா, 41…
நீலகிரி மாவட்டம் பில்லூர்மட்டம் சடையன் கொம்பை பகுதியைச் சேர்ந்த 14 வயது சிறுமி ஒருவர் திடீரென காணாமல் போனதாக கடந்த…
டெல்லி அரசுப் பேருந்து ஓட்டுநரிடம் வழித்தடம் பற்றிக் கேட்ட பெண் ஒருவர், திடீரென ஓட்டுநருடன் தகராறில் ஈடுபட்டு அவரது காலரைப்…
சென்னையை அடுத்த கொளத்தூர் ஜி.கே.எம் காலனி பகுதியில் அமைந்துள்ள டாஸ்மாக் மதுபான கூடத்தில், அண்ணன் மற்றும் தங்கை இருவரும் மதுபோதையில்…