“பொய் கேஸ் போடுவோம்…” நோயாளி என வரவழைத்த நடிகை… மருத்துவருக்கு தர்ம அடி கொடுத்து போன்,வாட்சை பறித்த கும்பல்… பரபரப்பு சம்பவம்..!!

கேரள மாநிலம் கொச்சி பொன்னுருன்னி பகுதியில் உள்ள அடுக்குமாடிக் குடியிருப்பில் வசிக்கும் பிரபல மலையாள நடிகை அதுல்யா சந்திரா, 41 வயதுடைய மருத்துவருக்கு போன் செய்து தனது உறவினருக்கு உடலநலக் குறைவு ஏற்பட்டுள்ளதாகக் கூறி உடனடியாக வருமாறு அழைத்துள்ளார். அறிமுகமானவர் என்பதால் மருத்துவரும் அதை நம்பிச் சென்றுள்ளார். ஆனால், அங்கு நோயாளிக்கு பதிலாகப் சுமார் 12 பேர் கொண்ட கும்பல் இருந்துள்ளது.

மருத்துவர் உள்ளே சென்றதும் அவரை வெளியேற முடியாதபடி பூட்டி நாற்காலியில் அமரவைத்துத் தாக்கியுள்ளனர். மேலும், “இங்கிருக்கும் நோயாளிக்கு போதைப்பொருள் கொடுத்துப் பாலியல் வன்கொடுமை செய்ய முயன்றதாகப் பொய் புகார் அளிப்போம்” என மிரட்டி, அவரிடமிருந்த ரூ.3.5 லட்சம் மதிப்பிலான 2 ஐபோன்கள் மற்றும் கைக்கடிகாரத்தைப் பறித்துள்ளனர். மருத்துவ அளித்த புகாரின் பேரில் வழக்குப் பதிவு செய்த கொச்சி கடவந்திரா காவல்துறையினர், நடிகை அதுல்யா சந்திரா, நடிகர் பிபின் பெரும்பள்ளி உள்ளிட்ட 3 பேரைக் கைது செய்தனர். ஹனிட்ராப் மற்றும் பணம் பறிக்கும் நோக்கில் இந்தத் தாக்குதல் நடந்ததா என்ற கோணத்தில் மீதமுள்ள 9 பேரை காவல்துறையினர் தீவிரமாகத் தேடி வருகின்றனர்.