“புர்ஜ் கலிஃபா உயரத்திற்கு ஒரு எஸ்கலேட்டர்… மேலே போனா கீழே இறங்க வழியில்லையா?”…. வெளிநாட்டுப் பெண்மணிக்கு நடந்த பகீர் அனுபவம்… வைரல் வீடியோ….!

உலகிலேயே மிகவும் விசித்திரமான மற்றும் சுவாரஸ்யமான நகரப் போக்குவரத்து அமைப்புகளில் ஒன்றாக ஹாங்காங்கில் உள்ள ‘சென்ட்ரல் மிட் லெவல்ஸ் எஸ்கலேட்டர்’ திகழ்கிறது. இது ரயிலும் இல்லை, கேபிள் காரும் இல்லை; மாறாக, சுமார் 800 மீட்டர் நீளம் கொண்ட உலகின் மிக நீளமான வெளிப்புறக் கூரையிடப்பட்ட எஸ்கலேட்டர் அமைப்பாகும். உலகின் மிக உயர்ந்த கட்டிடமான புர்ஜ் கலிஃபாவின் உயரத்திற்குச் சமமான நீளத்தைக் கொண்டுள்ள இந்த பிரம்மாண்ட அமைப்பு, பொதுமக்களின் போக்குவரத்துத் தேவையை எளிதாக்குவதில் முக்கியப் பங்கு வகிக்கிறது.

அமெரிக்காவைச் சேர்ந்த கேட்லின் என்ற விளாகர், இந்த எஸ்கலேட்டரில் பயணித்த தனது வியப்பான அனுபவத்தை இன்ஸ்டாகிராம் வீடியோவாகப் பகிர்ந்துள்ளார். பிற்பகல் 2:51 மணிக்குத் தொடங்கிய அவரது பயணம், தொடர்ந்து 20 நிமிடங்கள் கழித்து பிற்பகல் 3:11 மணிக்குத்தான் அதன் கடைசிப் பகுதியை அடைந்துள்ளது. இதன் செங்குத்தான பகுதியைக் கண்டு வியந்த அவர், மேலே சென்ற பிறகு திரும்பி கீழே வர எஸ்கலேட்டர் எதுவும் இல்லை என்பதையும், படிக்கட்டுகளில் நடந்துதான் கீழே இறங்க வேண்டும் என்பதையும் அறிந்து தனது பயத்தையும் ஆச்சரியத்தையும் வெளிப்படுத்தியிருந்தார்.

https://www.instagram.com/reel/DepyXx-I_cC/?utm_source=ig_embed&ig_rid=AMKH5xshVvG7znTtYJjDQiB

இந்த எஸ்கலேட்டர் அமைப்பு வெறும் போக்குவரத்து சாதனம் மட்டுமல்லாமல், ஹாங்காங்கின் மலைப் பகுதிகள், பிரபலமான உணவகங்கள், ஷாப்பிங் கடைகள் மற்றும் உள்ளூர் வீதிகளைச் சுற்றியுள்ள காட்சிகளை ரசித்தபடியே பயணிக்கச் சுற்றுலாப் பயணிகளுக்கு ஒரு சிறந்த வழியை ஏற்படுத்துகிறது. இதன் வழியே நகரின் அழகை ரசிப்பது பார்வையாளர்களுக்கு ஒரு தனித்துவமான அனுபவத்தைத் தருகிறது.

இந்த எஸ்கலேட்டரின் மற்றொரு சிறப்பு அம்சம் என்னவென்றால், இதன் இயங்கும் திசை மக்களின் தேவத்திற்கேற்ப நேரத்திற்கு ஏற்ப மாற்றப்படுகிறது. காலை நேர நெரிசலைக் சமாளிக்கும் வகையில் காலை 6:00 மணி முதல் 10:00 மணி வரை கீழே நோக்கி இயங்கும் இந்த எஸ்கலேட்டர், அதன் பிறகு காலை 10:20 மணி முதல் நள்ளிரவு வரை மேலே நோக்கி மட்டுமே இயங்கும் வகையில் வடிவமைக்கப்பட்டுள்ளது.