குங்குமம் வைத்த மனைவி…! காருக்குள் கணவருக்கு வலுகட்டாயமாக சுன்னத்…! சித்தரவதை செய்த குடும்பத்தினர்… பரபரப்பு பின்னணி..!!!

ராஜஸ்தான் மாநிலத்தைச் சேர்ந்த அகில் குமார் சந்தக் என்பவர், கடந்த 2019-ஆம் ஆண்டு டெல்லியில் அசாம் மாநிலத்தைச் சேர்ந்த நூர்ஷிகா பேகம் (24) என்பவரைக் காதலித்து நீதிமன்றம் மூலம் திருமணம் செய்து கொண்டுள்ளார். 3 ஆண்டுகள் ஒன்றாக வாழ்ந்த நிலையில், தனது மனைவி சிந்தூர் அணிந்திருந்த புகைப்படத்தை அகில் பேஸ்புக்கில் பதிவிட்டுள்ளார். இதைக் கண்டு ஆத்திரமடைந்த மனைவியின் வீட்டார் மற்றும் கிராமத்தினர் அகிலை இஸ்லாம் மதத்திற்கு மாறுமாறு வற்புறுத்தத் தொடங்கியுள்ளனர்.

கருத்து வேறுபாடு காரணமாக மனைவி சொந்த ஊருக்குச் சென்ற நிலையில், பேச்சுவார்த்தை நடத்தலாம் எனக்கூறி மாமியார் நூர் காதுன் (36) அகிலை அசாமுக்கு வரவழைத்துள்ளார். அங்கு ஜலுக்பாரி பகுதியில் காரில் ஏற்றிச் சென்று, தனிமையான இடத்திற்கு அழைத்துச் சென்று அகிலுக்குப் போதைப்பொருளைக் கொடுத்துள்ளனர். மயங்கிய நிலையில் இருந்த அவருக்குக் காருக்குள்ளேயே விருப்பத்திற்கு மாறாகச் சுன்னத் செய்யப்பட்டுள்ளது.

மேலும் மாட்டிறைச்சியைச் சாப்பிடுமாறும், பெயரை மாற்றி இஸ்லாமுக்கு மாறாவிட்டால் ஆபத்து என்றும் மிரட்டியுள்ளனர். கடந்த 2 மாதங்களாக இந்தச் சித்திரவதை அதிகரித்ததால், அகில் அசாம் மாநிலம் குவஹாத்தியில் உள்ள பங்காகர் காவல் நிலையத்தில் புகார் அளித்தார். புகாரின் பேரில் வழக்குப் பதிவு செய்த காவல்துறையினர் மாமியார் நூர் காதுனைக் கைது செய்தனர். பெங்களூருவில் இருக்கும் மனைவி நூர்ஷிகா பேகத்திடம் விசாரணை நடத்த சம்மன் அனுப்பப்பட்டுள்ளது.