தனிமையில் அழைத்த காதலன்… கூடவே தோழியையும் அழைத்துச் சென்ற இளம் பெண்… காட்டுப்பகுதியில் நடந்த பயங்கர சம்பவம்…!

ஜார்கண்ட் மாநிலம் கிரிதி மாவட்டத்தை சேர்ந்த இரண்டு இளம் பெண்கள் திடீரென்று மாயமானார்கள். இது தொடர்பாக உறவினர்கள் உடனே போலீசில் புகார் அளித்த நிலையில் போலீசார் 2 பெண்களையும் தேடி வந்தனர். அப்போது காணாமல் போன ஒரு பெண்ணின் காதலனான ஸ்ரீகாந்த் சவுத்ரி என்பவரை பிடித்து விசாரணை நடத்தினர். அப்போது அந்த இளைஞர் அதிர்ச்சி தரும் தகவலை கூறியுள்ளார். அதாவது ஸ்ரீகாந்த் அதே பகுதியை சேர்ந்த காணாமல் போன பெண்களில் ஒருவரை காதலித்து உள்ளார்.

இருவரும் காதலித்து வந்த நிலையில் அந்தப் பெண் வேறு ஒருவருடன் தொடர்பில் இருந்துள்ளார். இது ஸ்ரீகாந்துக்கு தெரிய வந்ததால் இது குறித்து தனது காதலியிடம் கேட்டுள்ளார். அப்போது இருவருக்கும் இடையே தகராறு ஏற்பட்டுள்ளது. சம்பவத்தன்று ஸ்ரீகாந்த் பேசுவதற்காக தன்னுடைய காதலியை காட்டுப்பகுதிக்கு அழைத்துச் சென்றுள்ளார். அந்தப் பெண்ணும் தன்னுடைய தோழி ஒருவருடன் அந்த காட்டுப்பகுதிக்கு சென்ற நிலையில் காதலி மீது இருந்த கோபத்தில் ஸ்ரீகாந்த் காதலியின் கழுத்தை நெரித்து கொலை செய்துள்ளார்.

அப்போது நேரில் பார்த்த மற்றொரு பெண்ணால் தனக்கு பிரச்சனை ஏற்படும் என்று நினைத்த ஸ்ரீகாந்த் அந்த பெண்ணையும் கூர்மையான ஆயுதத்தால் தாக்கி கொலை செய்துள்ளார். பின்னர் இருவருடைய உடல்களையும் மறைத்து வைத்து எதுவும் நடக்காதது போல வெளியில் சுற்றித் தெரிந்து உள்ளார். இதனைத் தொடர்ந்து இரண்டு பெண்களின் உடலையும் மீட்ட போலீசார் பிரேத பரிசோதனைக்காக மருத்துவமனைக்கு அனுப்பி வைத்தனர். இந்த சம்பவம் தொடர்பாக வழக்குப்பதிவு செய்து குற்றவாளி ஸ்ரீகாந்தை கைது செய்து விசாரித்து வருகிறார்கள்.