“பெத்த மனசு என்னா பாடுபடும்” பெற்றோரை அடித்து விரட்டிய கலியுகக் கொடூரன்.. புற்றுநோயால் தவிக்கும் தாய்க்குச் சிகிச்சை தர மறுத்து சொத்துக்களைப் பறித்த மகன்..!!

மத்தியப் பிரதேச மாநிலம் ராஜ்கர் மாவட்டத்தைச் சேர்ந்த ஓய்வு பெற்ற மின்வாரிய ஊழியரான ராதேஷ்யாம் வைஷ்ணவ் (62) என்பவர், தனது சொந்த மகன் ஓம்பிரகாஷ் வைஷ்ணவுக்கு எதிராக காவல் நிலையத்தில் அதிர்ச்சியூட்டும் புகார் ஒன்றை அளித்துள்ளார். தனது பணி ஓய்வுக்குப் பிறகு மகனின் குணம் மாறியதாகவும், அவர் தன்னிடம் இருந்த சொத்துக்கள், வங்கிச் செக் புக், பாஸ்புக் மற்றும் ஏடிஎம் கார்டு உள்ளிட்ட அனைத்து முக்கிய ஆவணங்களையும் வலுக்கட்டாயமாகப் பறித்துக் கொண்டதாகவும் அந்த முதியவர் குற்றம் சாட்டியுள்ளார்.

தற்போது ராதேஷ்யாம் தனது சகோதரியின் வீட்டில் வசித்து வரும் நிலையில், கடந்த மே 20 அன்று அங்கு வந்த அவரது மகன் ஓம்பிரகாஷ், தனக்கு வீடு கட்ட மேலும் பணம் தருமாறு கேட்டுள்ளார். அதற்கு தன்னிடம் பணம் இல்லை என்று தந்தை கூறியதால் ஆத்திரமடைந்த மகன், அவரைப் பொதுவெளியில் கொடூரமாகத் தாக்கியுள்ளார். இந்த அராஜகச் செயலை அக்கம் பக்கத்தினர் நேரில் பார்த்ததுடன், மகன் தன்னைத் தாக்கும் வீடியோ ஆதாரத்தையும் அந்த முதியவர் காவல்துறையிடம் ஒப்படைத்துள்ளார்.

மேலும், தனது மனைவி (ஆரோக்கியமற்ற அந்த மகனின் தாய்) புற்றுநோயால் பாதிக்கப்பட்டு உயிருக்குப் போராடி வருவதாகவும், அவரது சிகிச்சைக்குப் பணம் மிகவும் தேவைப்படுவதாகவும் கண்ணீருடன் முதியவர் தெரிவித்துள்ளார். ஆனால், கணக்குகளை முடக்கி வைத்துள்ள கொடூர மகன் தாயின் மருத்துவச் செலவுக்கு ஒரு ரூபாய் கூட தராமல் மறுத்து வருவதாகவும், பணம் கேட்டால் அடித்து உதைப்பதாகவும் புகாரில் கூறப்பட்டுள்ளது. தனது உயிருக்கு மகனால் ஆபத்து இருப்பதாக அஞ்சும் முதியவர், தனக்குப் பாதுகாப்பளித்து, குற்றவாளியான மகன் மீது கடுமையான நடவடிக்கை எடுக்குமாறு காவல்துறையிடம் கோரிக்கை விடுத்துள்ளார்.