அடேங்கப்பா!.. திருமணத்திற்கு வந்தவங்களுக்கு 33.6 கோடி ரூபாய் ரிட்டர்ன் கிப்ட்!.. ஒட்டுமொத்த கிராமத்தையும் கோடீஸ்வரராக்கிய மணமகன்.. வரலாற்றிலேயே இல்லாத மிரட்டல் பரிசு..!!!

மகாராஷ்டிராவின் நாந்தேடு மாவட்டம் கந்தஹார் தாலுக்காவில் உள்ள பகதூர்புரா கிராமத்தில், கடந்த மே 20 ஆம் தேதி சித்தேஷ்வர் பெத்கர் என்பவரது திருமணம் மிகுந்த ஆடம்பரத்துடனும் கோலாகலத்துடனும் நடைபெற்றது. பொதுவாகத் திருமணங்களுக்கு வரும் விருந்தினர்களுக்குத் தாம்பூலப் பையுடன் இனிப்புகள், ஆடைகள் அல்லது நினைவுப் பரிசுகள் வழங்குவதே மரபாக இருந்து வருகிறது. ஆனால், பெத்கர் குடும்பத்தினர் தங்களது வீட்டுத் திருமணக் கொண்டாட்டத்தை வெறும் தனிநபர் மகிழ்ச்சியோடு சுருக்கிக் கொள்ளாமல், ஒட்டுமொத்தக் கிராமத்திற்குமே பயனுள்ள சமூகப் பொறுப்புடன் இணைக்க வேண்டும் என்ற ஒரு மாபெரும் உன்னத முடிவை எடுத்தனர்.

அதன்படி, ஆடம்பரப் பொருட்களுக்குப் பதிலாகப் பகதூர்புரா கிராமத்தைச் சேர்ந்த 3,465 குடியிருப்பாளர்கள் அனைவருக்கும் தலா ₹1,00,000 மதிப்பிலான குழு விபத்துக் காப்பீட்டை (Group Accident Insurance) அவர்கள் திருமணத் திரும்பப் பரிசாக வழங்கி அசத்தினர். கிராம மக்கள் அனைவருக்கும் சேர்த்து வழங்கப்பட்ட இந்தக் குழு காப்பீட்டுத் திட்டத்தின் மொத்தக் காப்பீட்டு மதிப்பு சுமார் ₹33.6 கோடி ஆகும். இதற்கான மொத்தப் பிரீமியம் தொகையையும் மணமகன் குடும்பத்தினரே தங்களது சொந்தப் பணத்தில் முழுமையாகச் செலுத்தியுள்ளனர். இந்தத் தனித்துவமான பாதுகாப்புக் கவசம் கிராம மக்கள் அனைவருக்கும் ஒரு முழு ஆண்டிற்குப் நேரடிப் பலனை அளிக்கவுள்ளது.

கிராமப்புறங்களில் விவசாயப் பணிகளின் போது ஏற்படும் இயந்திர விபத்துகள், பாம்புக்கடி மற்றும் இயற்கை சீற்றங்களான மின்னல் தாக்குதல் போன்ற எதிர்பாராத விபத்துகளால் ஏழைக் குடும்பங்கள் கடுமையான பொருளாதார நெருக்கடிக்கு ஆளாவதை உணர்ந்தே இந்த முடிவை எடுத்ததாக மணமகன் குடும்பத்தினர் நெகிழ்ச்சியுடன் தெரிவித்துள்ளனர். இந்தத் திட்டத்தைச் சீராகச் செயல்படுத்த கிராம சபையின் உதவியுடன், தகுதியுள்ள ஒவ்வொரு கிராமவாசியும் எவ்வித ஆவணச் சிக்கலுமின்றிப் பயன்பெறும் வகையில் அதிகாரப்பூர்வ வாக்காளர் பட்டியல் காப்பீட்டு நிறுவனத்திடம் சமர்ப்பிக்கப்பட்டுள்ளது. திரும்பக் கொடுக்கும் பரிசு என்பதன் வரையறையையே மாற்றி, கிராமவாசிகளின் முகத்தில் புன்னகையை வரவழைத்துள்ள இந்தத் திருமணப் பரிசு தற்போது நாடு முழுவதும் பரவலான பாராட்டுகளைப் பெற்று வருகிறது.