ஆந்திர மாநிலம் சித்தூர் மாவட்டத்தில், காதல் திருமணம் செய்துகொண்ட இளம்பெண் ஒருவர் தனது இரண்டு பெண் குழந்தைகளைக் கொலை செய்துவிட்டுத் தானும் தற்கொலை செய்துகொண்ட சம்பவம் பெரும் சோகத்தை ஏற்படுத்தியுள்ளது. சித்தூர் மாவட்டம் புத்தூர் கிருஷ்ணா நகரைச் சேர்ந்த பத்மா என்ற பெண், தனது பெற்றோரின் எதிர்ப்பையும் மீறி சிவசங்கர் என்பவரை கடந்த 2019-ம் ஆண்டு காதலித்து மணம் முடித்தார். இவர்களுக்கு தேஜாஸ்ரீ (7), லாஸ்யா (5) என இரு மகள்கள் இருந்தனர்.
திருமணத்திற்குப் பிறகு பத்மாவின் கணவர் சிவசங்கர் குடும்பப் பொறுப்பின்றி இருந்ததாகக் கூறப்படுகிறது. அவர் சரியாக வேலைக்குச் செல்லாமல் ஊர் சுற்றியதுடன், பல இடங்களில் கடன்களையும் வாங்கியுள்ளார். இதனால் குடும்பச் செலவிற்கே பணம் இல்லாமல் பத்மா பெரும் சிரமத்திற்கு ஆளாகியுள்ளார். இது தொடர்பாக கணவன்-மனைவி இடையே அடிக்கடி தகராறுகள் ஏற்பட்டு வந்த நிலையில், வறுமை மற்றும் கடன் சுமை பத்மாவை கடும் மன உளைச்சலுக்கு ஆளாக்கியுள்ளது.
குறிப்பாக, மகளிர் குழுவில் வாங்கிய கடனைத் திருப்பிச் செலுத்த முடியாததால், மற்ற உறுப்பினர்கள் அவரை அவமதித்ததாகத் தெரிகிறது. இதனால் மனமுடைந்த பத்மா, கடந்த சில தினங்களுக்கு முன்பு தனது இரு மகள்களையும் தூக்கிலிட்டுத் தூக்கிலிட்டுப் படுகொலை செய்தார். பின்னர் தானும் அதே அறையில் தூக்கிட்டுத் தற்கொலை செய்துகொண்டார். வேலை முடிந்து வீடு திரும்பிய சிவசங்கர், தனது மனைவி மற்றும் குழந்தைகள் பிணமாகத் தொங்குவதைக் கண்டு அதிர்ச்சியடைந்து காவல்துறையினருக்குத் தகவல் அளித்தார்.
பத்மா தற்கொலை செய்துகொள்வதற்கு முன் எழுதிய உருக்கமான கடிதம் ஒன்று போலீசாரிடம் சிக்கியுள்ளது. அதில், “பெற்றோர் எதிர்ப்பை மீறி திருமணம் செய்யும் பெண்களுக்கு என் வாழ்க்கை ஒரு பாடம். என் கணவரைத் திருமணம் செய்த பாவத்திற்காக நான் கஷ்டங்களை அனுபவித்தேன்; என் பிள்ளைகளும் அதையே அனுபவிக்கிறார்கள். இனி ஒரு பிறவி இருந்தால், என் பெற்றோரின் சம்மதத்துடன் அவர்கள் காட்டும் உறவில் வாழ விரும்புகிறேன்” என்று குறிப்பிட்டுள்ளார். மேலும், தனது கணவரை நோக்கி, “இன்னொரு பெண்ணின் வாழ்க்கையையும் இதுபோல நாசமாக்காதே” என வேதனையுடன் தெரிவித்துள்ளார். இந்தச் சம்பவம் அப்பகுதியில் பெரும் சோகத்தை ஏற்படுத்தியுள்ளது.
பீகார் மாநிலம் பக்ஸார் மாவட்டத்தைச் சேர்ந்த ஊரக வளர்ச்சி அதிகாரி அல்பிதா சிங், கடந்த எட்டு மாதங்களாகத் தனக்கு சம்பளம்…
பெங்களூரு யெலஹங்கா பகுதியில், தனது மகளுடன் பழகியதாகக் கூறி கேரளாவைச் சேர்ந்த 22 வயது தொழிலாளியை அவரது முதலாளியே அடித்துக்…
உத்தரப் பிரதேச மாநிலம் பராபங்கியைச் சேர்ந்த சந்தீப் வர்மா என்பவரும் ரீமா வர்மா (30) என்பவரும் காதலித்து திருமணம் செய்து…
திருவாரூர் வடம்போக்கி பகுதியைச் சேர்ந்தவர் சங்கர்ராமன் (73). இவர் அங்குள்ள தெட்சிணாமூர்த்தி மடத்தில் பணியாற்றி வந்தார். இந்நிலையில், தியாகராஜர் கோயில்…
பெங்களூருவின் பன்னேருகட்டா பகுதி அருகே சி.கே. பாளையா சாலையில் அமைந்துள்ள 'ஹலேவூரு கபாப் சென்டர்' உணவகத்தில் அக்டோபர் 28 அன்று…
தீபாவளி பண்டிகையின் போது பட்டாசுகளை வெடிக்கும்போது ஏற்படும் விபத்துகளால் கடுமையான தீக்காயங்கள் மற்றும் நிரந்தர பார்வை இழப்பு ஏற்படக்கூடும் என்று…