மீண்டும் அதிர்ச்சி… மருத்துவமனை வளாகத்தில் மாணவி கதற கதற கூட்டு பாலியல் வன்கொடுமை… நாட்டையே உலுக்கும் கொடூர சம்பவம்…!

மேற்குவங்க மாநிலம் துர்கா போரில் உள்ள ஷோபாபூர் அருகே தனியார் மருத்துவக் கல்லூரி மருத்துவமனை ஒன்று செயல்பட்டு வருகிறது. இது கொல்கத்தாவில் இருந்து 120 கிலோமீட்டர் தொலைவில் உள்ளதால் ஒடிசா மாநிலம் ஜலேஸ் வரை சேர்ந்த மாணவி அங்கு இரண்டாம் ஆண்டு படித்து வருகின்றார். இப்படியான நிலையில் நேற்று இரவு சுமார் 8.30 மணி அளவில் கல்லூரி வளாகத்தை விட்டு ஆண் நண்பருடன் உணவருந்துவதற்காக மாணவி சென்றுள்ளார். அப்போது ஒரு கும்பல் மாணவியின் நண்பரை கடுமையாக தாக்கியது.

அவரை அங்கிருந்து துரத்திவிட்டு மாணவியை தர தரவென இழுத்துச் சென்று மருத்துவமனை வளாகத்தில் உள்ள ஒதுக்குப்புறமாக பகுதியில் வைத்து அந்த கும்பல் மாணவியை கூட்டு, பாலியல் வன்கொடுமை செய்துள்ளது. அப்போது வளாகத்தில் காவலர்கள் யாரும் இல்லை என கூறப்படுகிறது. அந்த மாணவி தற்போது படுகாயங்களுடன் அதே மருத்துவமனையில் சிகிச்சை பெற்று வரும் நிலையில் போலீசார் வழக்கு பதிவு செய்து விசாரித்து வருகிறார்கள். கொல்கத்தாவில் கடந்த ஆண்டு மருத்துவக் கல்லூரி மாணவி கற்பழித்து கொல்லப்பட்ட சம்பவம் நாடு முழுவதும் பெரும் அதிர்வலையை ஏற்படுத்திய நிலையில் மீண்டும் தற்போது இப்படி ஒரு சம்பவம் நடந்துள்ளது அதிர்ச்சியை ஏற்படுத்தியுள்ளது.