யார் சாமி நீ… மரணம் பக்கத்தில் இருந்தாலும் தூக்கமே முக்கியம்…! சாலையில் மாட்டை மெத்தையாக்கிய நபர்… நெட்டிசன்கள் அதிர்ச்சி…!!

பரபரப்பான இந்தியச் சாலை ஒன்றின் நடுவே, நின்றுகொண்டிருக்கும் ஒரு மாட்டின் வயிற்றுப் பகுதியில் மனிதர் ஒருவர் எந்தவித பயமும் இல்லாமல் மிகவும் நிம்மதியாகத் தூங்கும் வீடியோ இணையத்தில் தீயாய் பரவி வருகிறது. சுற்றிலும் வாகனங்கள் சத்தத்துடன் கடந்து சென்றுகொண்டிருந்தாலும், அதைப் பற்றி சிறிதும் கவலைப்படாமல் அந்த நபர் மாட்டின் மீது சாய்ந்து உறங்குவதும், அந்த மாடு அசையாமல் அமைதியாக நிற்பதும் பார்ப்பவர்களை ஆச்சரியத்தில் ஆழ்த்தியுள்ளது.

இந்த வீடியோ ‘X’ தளத்தில் பகிரப்பட்ட சில நாட்களிலேயே லட்சக்கணக்கான பார்வைகளைப் பெற்று வைரலாகியுள்ளது. இதைப் பார்த்த நெட்டிசன்கள், “இந்தியா எப்போதுமே கணிக்க முடியாத ஒரு விசித்திரமான நாடு” என்றும், “அண்ணன் மாட்டின் மடியில் படுத்துத் தூங்குகிறார்” என்றும் நகைச்சுவையாகக் கருத்துக்களைப் பதிவிட்டு வருகின்றனர்.

அதே வேளையில், இந்தச் சம்பவம் பலருக்குச் சிரிப்பை வரவழைத்தாலும், சாலையில் செல்லும் மற்ற வாகன ஓட்டிகளுக்கும், அந்த நபருக்கும் இது எவ்வளவு ஆபத்தானது என்று சமூக ஆர்வலர்கள் கவலை தெரிவித்துள்ளனர். இதுபோன்ற பொதுச் சாலைகளில் விலங்குகளையும், மனிதர்களையும் பாதுகாப்பற்ற முறையில் அனுமதிப்பது விபத்துகளுக்கு வழிவகுக்கும் என்பதால், அரசு இதற்கு உரிய நடவடிக்கை எடுக்க வேண்டும் என்றும் சிலர் கோரிக்கை விடுத்துள்ளனர்.