“ஐயோ… உன்ன விட்டுட்டு என்னால வாழ முடியாதுடி… உயிரை விடத் துணிந்த காதலர்கள்… தீராத நோயால் விபரீத முடிவு… காதலி பரிதாப பலி… சோகத்தில் முடிந்த காதல் கதை…!”

மேற்கு கோதாவரி மாவட்டம், பீமவரத்தைச் சேர்ந்த லலிதாம்பிகா (20) மற்றும் குமுடவள்ளியைச் சேர்ந்த சந்தீப் குமார் (22) ஆகிய இருவரும் காதலித்து வந்தனர். சந்தீப் தனது பெற்றோருக்கு லலிதாம்பிகாவை அறிமுகப்படுத்தியதை அடுத்து, சந்தீப்பின் சகோதரியின் திருமணத்திற்குப் பிறகு இவர்களுக்குத் திருமணம் செய்து வைக்க இருவீட்டுப் பெரியவர்களும் சம்மதம் தெரிவித்திருந்தனர்.

இந்நிலையில், லலிதாம்பிகாவிற்குத் தீராத கடுமையான நோய் இருப்பது தெரியவந்ததால், மனமுடைந்த காதலர்கள் இருவரும் ஒன்றாக உயிரை மாய்த்துக் கொள்ள முடிவு செய்தனர். அதன்படி, வென்றா கிராமத்தில் உள்ள அடவிகோடுலா லாக்ஸ் அருகே உள்ள கால்வாயில் திங்கள்கிழமை இரவு இருவரும் குதித்தனர். இதில் லலிதாம்பிகா நீரில் அடித்துச் செல்லப்பட்டு உயிரிழந்தார்.

https://twitter.com/TeluguScribe/status/2087075746967863456/video/1

அப்பகுதி மக்கள் சந்தீப்பை உடனடியாக மீட்டு பீமவரம் மருத்துவமனையில் சிகிச்சைக்காக சேர்த்தனர். லலிதாம்பிகாவின் உடலைக் கைப்பற்றிய காவல்துறையினர், இச்சம்பவம் குறித்து வழக்குப் பதிவு செய்து தீவிர விசாரணை மேற்கொண்டு வருகின்றனர்.