தமிழ் திரையுலகில் முன்னணி நடிகராகவும், இயக்குநராகவும் வலம் வந்த மூத்த நடிகர் மோகன் சர்மா, சமீபத்தில் தான் கடும் பண நெருக்கடியில் இருப்பதாகவும், மருத்துவச் செலவுக்குக்கூட வழியின்றி முதியோர் இல்லத்தில் தங்கியிருப்பதாகவும் கண்ணீருடன் அளித்த பேட்டி பெரும் பரபரப்பை ஏற்படுத்தியது. போயஸ் கார்டனில் வாழ்ந்த தமக்கு தென்னிந்திய பிலிம் சேம்பர் உள்ளிட்ட அமைப்புகள் எந்த உதவியும் செய்யவில்லை என்றும் அவர் குற்றம் சாட்டியிருந்தார். திரையுலகினரையும் ரசிகர்களையும் பரிதாபப்பட வைத்த இந்த பேட்டி, சமூக வலைதளங்களில் விவாதப் பொருளானது.
இருப்பினும், மோகன் சர்மாவின் இந்த புகார்கள் அனைத்தும் முற்றிலும் அண்டப்புளுகு மற்றும் நாடகம் என்று பிரபல நடிகை குட்டி பத்மினி பகிரங்கமாகக் குற்றம் சாட்டியுள்ளார். தென்னிந்திய பிலிம் சேம்பர் கடந்த ஆண்டே அவருக்கு ரூ.2 லட்சம் நிதியுதவி வழங்கியதைச் சுட்டிக்காட்டிய அவர், பணத்தைப் பெற்றுக்கொண்டு யாருமே உதவவில்லை எனப் பொய் பேசுவது நியாயமற்றது என்றார். மேலும், போயஸ் கார்டன் வீடு நடிகை லஷ்மி தனது சொந்த உழைப்பில் சேர்த்த ₹5 லட்சத்தைக் கொடுத்து வாங்கச் சொன்னது என்றும், அதை மோகன் சர்மா ஏமாற்றித் தன் பெயரிலேயே பதிந்துகொண்டார் என்றும் குட்டி பத்மினி அதிர்ச்சி தகவலை வெளியிட்டுள்ளார்.
மோகன் சர்மாவின் திருமண வாழ்க்கைப் பின்னணி குறித்தும் அடுக்கடுக்கான புகார்களைக் குட்டி பத்மினி முன்வைத்துள்ளார். நடிகை லஷ்மியைப் பிரிந்த பிறகு இரண்டாவதாக ஒருவரைத் திருமணம் செய்து விவாகரத்து பெற்ற மோகன் சர்மா, மூன்றாவதாக சாந்தி என்ற பரதநாட்டியக் கலைஞரை மணந்தார். அவரையும் பணத்திற்காகச் சித்ரவதை செய்து அடித்து விரட்டியதாகக் கூறிய குட்டி பத்மினி, இவ்வாறு மூன்று பெண்களின் வாழ்க்கையைச் சீரழித்து ஏமாற்றியவர் தான் இந்த மோகன் சர்மா என்று கடுமையாக விமர்சித்துள்ளார்.
சாப்பாட்டுக்கே வழியில்லை என்று கூறும் மோகன் சர்மா, தற்சமயம் ரூ.6,000 மதிப்பிலான செருப்பை அணிந்திருப்பதைச் சுட்டிக்காட்டிய குட்டி பத்மினி, இவ்வளவு ஆடம்பரமாக இருக்கும் ஒருவர் எதற்காக இப்படி வறுமை நாடகம் ஆடுகிறார் எனக் கேள்வி எழுப்பியுள்ளார். மூன்று பெண்களின் வாழ்க்கையை அழித்த பாவமும், அவர்களின் கண்ணீரும் அவரை சும்மா விடாது என்றும், அந்தத் தெய்வமே நின்று கொல்லும் என்றும் தனது வீடியோவில் ஆக்ரோஷமாகப் பேசி திரையுலகில் பெரும் புயலைக் கிளப்பியுள்ளார்.
திருவாரூர் வடம்போக்கி பகுதியைச் சேர்ந்தவர் சங்கர்ராமன் (73). இவர் அங்குள்ள தெட்சிணாமூர்த்தி மடத்தில் பணியாற்றி வந்தார். இந்நிலையில், தியாகராஜர் கோயில்…
பெங்களூருவின் பன்னேருகட்டா பகுதி அருகே சி.கே. பாளையா சாலையில் அமைந்துள்ள 'ஹலேவூரு கபாப் சென்டர்' உணவகத்தில் அக்டோபர் 28 அன்று…
தீபாவளி பண்டிகையின் போது பட்டாசுகளை வெடிக்கும்போது ஏற்படும் விபத்துகளால் கடுமையான தீக்காயங்கள் மற்றும் நிரந்தர பார்வை இழப்பு ஏற்படக்கூடும் என்று…
பெங்களூரில் நிகழ்ந்த ஒரு கோரச் சம்பவத்தில், தன் உற்பத்திப் பிரிவில் பணிபுரியும் கிரண் என்பவரை, தன் மகளுடன் வீட்டில் தனித்திருந்த…
ஆந்திர முன்னாள் முதலமைச்சர் ஒய்.எஸ். ஜெகன் மோகன் ரெட்டியின் இல்லத் திருமண வரவேற்பு விழா சென்னையில் கோலாகலமாக நடைபெற்றது. இந்த…
மே 13 அன்று சட்டசபையில் நடந்த நம்பிக்கை வாக்கெடுப்பில் முதலமைச்சர் விஜய் 144 எம்.எல்.ஏ-க்களின் ஆதரவோடு தனது பெரும்பான்மையை நிரூபித்தார்.…