“5.60 லட்சம் கடன்”…. நள்ளிரவில் வீட்டிற்குள் புகுந்த கடன் காரன்…. மனைவியை பார்க்க கூடாத நிலையில் பார்த்த கணவன்…. சேலத்தில் அரங்கேறிய பகீர் சம்பவம்….!

சேலம் மாவட்டம் சங்ககிரி அருகே உள்ள வைகுந்தம் பகுதியைச் சேர்ந்தவர் காளீஸ்வரி. இவர் தனது நிலத்தை அடமானம் வைத்து, அதே பகுதியைச் சேர்ந்த 55 வயதுடைய ராஜேந்திரன் என்பவரிடம் 5 லட்சத்து 60 ஆயிரம் ரூபாய் கடன் பெற்றுள்ளார். அந்தப் பணத்தைக் கொண்டு வைகுந்தம் டோல்கேட் அருகே ஹோட்டல் நடத்தி வந்த காளீஸ்வரி, முதல் மாத வட்டியைச் சரியாகச் செலுத்தியுள்ளார். இருப்பினும், அடுத்த மாதத்திற்கான வட்டியைக் கேட்கும் போது ஹோட்டல் தொழில் மந்தமாக உள்ளதால் உடனடியாகப் பணம் தர இயலவில்லை என்று அவர் தெரிவித்துள்ளார்.

இந்தச் சூழலைத் தனக்குச் சாதகமாகப் பயன்படுத்திக் கொண்ட ராஜேந்திரன், காளீஸ்வரியின் செல்போனுக்கு ஆபாச வீடியோக்களை அனுப்பி தனது ஆசைக்கு இணங்குமாறு தொடர் தொல்லை கொடுத்து வந்துள்ளார். மேலும், காளீஸ்வரியின் கணவர் இல்லாத நேரத்தைப் பார்த்து அவரது வீட்டிற்குச் சென்ற ராஜேந்திரன், அங்கு அவரைப் பலவந்தப்படுத்தி தகாத முறையில் நடந்து கொண்டு பாலியல் தொல்லை கொடுத்துள்ளார். அப்போது எதிர்பாராதவிதமாக காளீஸ்வரியின் கணவர் வீடு திரும்பியதைக் கண்டு பீதியடைந்த ராஜேந்திரன் அங்கிருந்து தப்பியோடியுள்ளார்.

நடந்த விவரங்களை அறிந்த கணவர் சங்ககிரி காவல் நிலையத்தில் அளித்த புகாரின்பேரில், போலீசார் உடனடியாக வழக்குப்பதிவு செய்து விசாரணை நடத்தினர். முதற்கட்ட விசாரணையில் ராஜேந்திரன் ஆபாசக் குறுஞ்செய்திகளை அனுப்பியது உறுதி செய்யப்பட்டதை அடுத்து, அவரை காவலில் எடுத்து போலீசார் தீவிர விசாரணை மேற்கொண்டு வருகின்றனர். கடன் கொடுத்த நபர் பணத்திற்குப் பதிலாகப் பெண்ணைக் குறிவைத்து பாலியல் தொல்லை கொடுத்த இந்தக் கொடூரச் செயல் அப்பகுதியில் பெரும் அதிர்ச்சியையும் பரபரப்பையும் ஏற்படுத்தியுள்ளது.