“ஸ்கூல்ல அவமானப்படுத்திட்டாங்க.. எல்லாரும் என்ன பார்த்து சிரிக்கிறாங்க…” 15 வயது மாணவரின் விபரீத முடிவு… கதறும் குடும்பத்தினர்…!!

ஆந்திர மாநிலம் காக்கிநாடாவில் உள்ள ஸ்ரீ சைதன்யா ஜூனியர் பள்ளியில் பிளஸ் ஒன் படித்து வந்த அரவிந்த் (15) என்ற மாணவன், பள்ளி நிர்வாகத்திற்குச் செலுத்த வேண்டிய கட்டண பாக்கியைச் செலுத்தாத காரணத்தால், வகுப்பறையில் அனைவரின் முன்னிலையிலும் பள்ளி ஊழியர்களால் அவமானப்படுத்தப்பட்டு வீட்டிற்குத் திருப்பி அனுப்பப்பட்டுள்ளான். இந்தச் சம்பவத்தின் போது சக மாணவர்கள் சிலர் தன்னை பார்த்து சிரித்ததால், மிகுந்த மன உளைச்சலுக்கும் அவமானத்திற்கும் ஆளான அம்மாணவன், வெள்ளிக்கிழமை இரவு தனது வீட்டில் தூக்கிட்டுத் தற்கொலை செய்து கொண்டான்.

கல்லூரி ஊழியர்களின் இரக்கமற்ற நடவடிக்கை மற்றும் மனரீதியான துன்புறுத்தலே தங்களது மகனின் இந்தத் தீவிர முடிவிற்குக் காரணம் எனக் கூறி, சோகத்தில் மூழ்கிய பெற்றோரும் உறவினர்களும் ஆத்திரமடைந்து அக்கூட்டமாகச் சென்று அந்தச் தனியார் பள்ளியை தாக்கிச் சேதப்படுத்தினர். இச்சம்பவம் அப்பகுதியில் பெரும் பரபரப்பையும் பதற்றத்தையும் ஏற்படுத்திய நிலையில், தகவலறிந்து வந்த காவல்துறையினர் வழக்குப் பதிவு செய்து தீவிர விசாரணை மேற்கொண்டு வருகின்றனர்.